Булган аймгийн Хангал сумын Хялганат тосгонд барьж буй Үртсэн шахмал түлшний иж бүрэн цогцолбор үйлдвэрийг ирэх сарын 12-нд ашиглалтад хүлээж авна. 

Улаанбаатар хотын агаарын бохирдлыг бууруулах ажлын хүрээнд хийж буй томоохон ажлуудын нэг болох энэхүү үйлдвэрийг нийслэлийн өмчид хүлээн авах асуудлыг  Засаг даргын зөвлөлийн өмнөх хурлаар хэлэлцсэн боловч үйлдвэрийн технологийн горимыг өөрчилсөн, дутуу гүйцэтгэгдсэн ажлууд байсан учир Нийслэлийн Засаг даргын орлогчоор ахлуулсан ажлын хэсгийн газар дээр нь ажиллуулж, дүгнэлт гаргуулсан юм. Ажлын хэсгийнхэн үйлдвэрийн үйл ажиллагаатай танилцаж, дутуу ажлуудыг товлосон хугацаанд гүйцэтгүүлэн, ирэх сарын 12-нд үйлдвэрийг хүлээлцэхээр болжээ.
 

Улаанбаатар