1.Зам, тээврийн чиглэлээр:

Замын цагдаагийн газар болон Автотээврийн газар хоорондын солилцох мэдээллийн шуурхай байдлыг хангах, нэгдсэн сан бүрдүүлэх, түүний аюулгүй байдлыг хангах зорилгоор “Мэдээлэл харилцан солилцох журам”-ыг ХЗДХСайд, ЗТБХБСайдын 2010 оны 02 дугаар сарын 10-ны өдрийн 26/43 дугаар хамтарсан тушаалаар батлуулав.

“Техникийн хяналтын байгууллагын итгэмжлэл ба олон улсын чиг хандлага” сэдэвт уулзалт семинарыг ЭБЭХЯ болон СХЗГ-тай хамтран 2010 оны 02 дугаар сарын 10-ны өдөр зохион байгуулж, холбогдох газруудын 40 гаруй хүмүүсийг хамруулж 10 гаруй илтгэлийг тавьж хэлэлцүүлэв.

Автотээврийн салбар үүсч хөгжсөний 85 жилийн ойг зохион байгуулах комиссын хуралдааныг 2010 оны 02 дугаар сарын 10-ны өдөр зохион байгуулж, цаашид хийх ажлыг хэлэлцэж аймаг, нийслэлийн Засаг дарга нарт албан бичиг хүргүүлэв.

Монгол-Солонгосын төмөр замын зөвлөлдөх ажлын хэсгийн уулзалтыг 2010 оны 2 дугаар сарын 03-наас 06-ны өдрүүдэд зохион байгуулж, төмөр замын Сайншанд зангилгааны байгууллагуудын үйл ажиллагаа болон төмөр замын байгууламж, төхөөрөмжтэй танилцуулав.

Агаарын хөлгийн шатахуун нийлүүлэлт саатаж, авиакомпаниудын гадаад, дотоодын нислэгийн үйл ажиллагаа зогсоход хүрч болзошгүй байсантай холбогдуулан Улсын нөөцөөс ТС-1 маркийн 700 тонн онгоцны түлшийг нөхөн бүрдүүлэлт хийх нөхцөлөөр олгох асуудлыг Засгийн газрын хуралдаанд танилцуулан “Улсын нөөцөөс онгоцны шатахуун олгох тухай” Засгийн газрын 2010 оны 02 дугаар сарын 03-ны өдрийн 29 дүгээр тогтоол гаргуулсан.

Өвөлжилтийн байдал хүндэрсэнтэй холбогдуулан Ховд аймгийн Булган сумын чиглэлд зорчигч тээврийн нислэгийг зохион байгуулах, шаардлагатай нөхөн олговрыг шийдвэрлүүлэх асуудлыг Засгийн газрын хуралдаанд танилцуулж, “Зорчигч тээврийн нислэг зохион байгуулах тухай” Засгийн газрын 2010 оны 02 дугаар сарын 03-ны өдрийн 30 дугаар тогтоолоор шийдвэрлүүлсэн.

Эргэн төлөгдөх нөхцөлтэйгээр 2010 онд баригдах хатуу хучилттай авто замуудын тендерийг зарлав.

Мөн улсын төсвийн хөрөнгө оруулалтаар 2010 онд баригдах Хөвсгөл аймгийн Жаргалантын гүүр, Дундговь аймгийн 16 км хатуу хучилттай авто замын далангийн ажил, Хархорин-Хужиртын 15.6 км хатуу хучилттай авто замын барилгын ажлын гүйцэтгэгчийн тендерийг зарлаад байна.

Хэнтий аймгийн Өндөрхаан сумын Хэрлэн гол дээрх гүүрийг засах барилгын ажлын гүйцэтгэгчийн гэрээг “Ган гүүр” ХХК-тай байгуулан ажлыг эхлүүлэв.

2. Барилга, орон сууц, нийтийн аж ахуйн чиглэлээр: 

“Төрийн албан хаагчдын орон сууц” дэд хөтөлбөрийн хүрээнд хэрэгжүүлж буй “Төрийн албан хаагчдад орон сууцны хөнгөлөлт үзүүлэх журам”-ын дагуу төрийн албан хаагчдад үзүүлсэн орон сууцны хөнгөлөлтийн судалгааг ихэнх яамд, төрийн байгууллагууд, аймаг, нийслэлийн Засаг дарга нараас гаргуулан авч нэгтгэн боловсруулав.

Зураг төслийн 23 байгууллагын боловсруулж, магадлал хийгдсэн зураг төсөлд лифтийг барилгад төлөвлөхдөө хууль, норм, дүрэм, стандартад нийцээгүй 55 зөрчлийг арилгуулах талаар Газрын харлцаа, барилга, геодези, зураг зүйн газар, Барилгын зураг төсөлчдийн холбоонд 2010 оны 02 дугаар сарын 10-ны өдрийн 7/476 албан бичгээр үүрэг даалгавар өгсөн.

“Гэр хорооллыг олон нийтийн оролцоотой хөгжүүлэх төсөл” болон “Хот байгуулалтын салбарын төсөл” -үүдийн Удирдах хорооны хурлыг 2010 оны 02 дугаар сарын 03-05-нд хуралдуулж, төслүүдийн хүрээнд 2009 онд хийсэн ажлын тайланг хэлэлцэн, үнэлэлт дүгнэлт өгч, 2010 оны төлөвлөгөөг нь батлав.

Усны үндэсний хороо, ГХБГЗЗГазраас зохион байгуулсан “Ахуйн бохир усны техник, технологийн шийдэл” сэдэвт онол практикийн бага хуралд оролцон, “Ариун цэврийн байгууламжийг сайжруулах хөтөлбөрийн хэрэгжилт, цаашдын зорилт” сэдэвт илтгэл тавьж хэлэлцүүлэв.

Улсын төсвийн хөрөнгө оруулалтаар Төв аймгийн Зуунмод сумын цэвэрлэх байгууламжийг шинэчлэх ажлын гүйцэтгэгчийг сонгон шалгаруулах тендерийг 2010 оны 02 дугаар сарын 18-нд нээж, үнэлгээг хийж байна.

2010 оны 02 дугаар сарын 05-нд ЗТБХБЯам, ГХБГЗЗГ, Монголын нийтийн аж ахуйн үйлчилгээний холбооны хамтарсан уулзалтыг зохион байгуулж, Монгол Улсад нийтийн аж ахуйн үйлчилгээний салбар үүсч хөгжсөний 80 жилийн ойг тэмдэглэн өнгөрүүлэх, салбарын 2010 оны удирдах ажилтны зөвлөгөөнийг зохион байгуулах, мэдээллийн сан байгуулах, салбарын ойрын болон хэтийн бодлого, стратегийг тодорхойлсон баримт бичиг боловсруулах зэрэг асуудлуудыг хэлэлцэн, шийдвэр гаргав.

Засгийн газрын 2008 оны 282-р тогтоолоор баталсан “Нийтийн аж ахуйн үйлчилгээний салбарыг хувьчлах, өөрчлөн байгуулах чиглэл”-ийг хэрэгжүүлэх ажлыг зохион байгуулах ажлын хэсэг 2010 оны 02 дугаар сарын 04, 02 дугаар сарын 19-нд тус тус хуралдаж, хэрэгжүүлэх ажлын төлөвлөгөөний биелэлтийг хэлэлцэн, тодорхой үүрэг даалгавруудыг ажлын хэсгийн гишүүдэд өгсөн.

3. Хот байгуулалт, газрын харилцаа, геодези, зураг зүйн чиглэлээр:

“Хотууд” үндэсний хөтөлбөрийн төслийн хэлэлцүүлгийг 2010 оны 02 дугаар сарын 05-ны өдөр холбогдох яам, агентлаг, мэргэжлийн байгууллага, төрийн бус байгууллагуудын төлөөлөлтэйгээр зохион байгуулав.

Хөшгийн хөндийд баригдах олон улсын шинэ нисэх буудлыг даган бий болох хотын техник, эдийн засгийн үндэслэл, ерөнхий төлөвлөгөө боловсруулах зөвлөхийг сонгон шалгаруулах тендерийн баримт бичгийг 2010 оны 02 дугаар сарын 22-нд хүлээн авав.

“Эрүүл хот” үндэсний хөтөлбөр боловсруулах ажлын болон техникийн хэсгийн бүрэлдэхүүнд яамны холбогдох мэргэжилтнүүд оролцож ажиллаж байна.

Оюутолгойн хөрөнгө оруулалтын гэрээнд тусгагдсаны дагуу “Өмнийн говийн бүсийн зөвлөл” байгуулах тухай Ерөнхий сайдын захирамжийн төслийг боловсруулан, “Өмнийн говийн бүс, орон нутгийн хөгжлийн стратеги төлөвлөгөө”-ний төсөлд холбогдох газруудаас санал авч Шадар сайдад 2010 оны 02 дугаар сарын 02-ны өдрийн 1/370 тоотоор хүргүүлэв.

“Говийн бүсийн Тавантолгой, Оюутолгой, Цагаан суврагын орд газруудыг түшиглэсэн бүс нутгийн хөгжлийн стратеги, хот байгуулалтын төлөвлөгөө”-ний төслийн хураангуйг бэлтгэн Шадар сайдад 2010 оны 02 дугаар сарын 12-ны өдрийн 1/ 501 тоотоор хүргүүлэв.

Засгийн газрын 2010 оны 02 дугаар сарын 10-ны өдрийн хуралдаанаар зарим суурин газруудад хот байгуулалтын ерөнхий төлөвлөгөө хийхтэй холбогдуулан “Газар олгохыг түр зогсоох тухай” Засгийн газрын тогтоолын төслийг хэлэлцүүлсэн.

4. Санхүү, хөрөнгө оруулалтын чиглэлээр:

Сангийн сайдын 2008 оны 58 дугаар тушаалаар баталсан улсын төсвийн хөрөнгө оруулалтын санхүүжилтийн журмын дагуу Зам, тээвэр, барилга, хот байгуулалтын сайд болон Аймгийн Засаг дарга нарын хооронд бүтээгдэхүүн нийлүүлэлт, санхүүжилтийн талаар гэрээ байгуулан Архангай аймагт 4, Баян-Өлгий аймагт 2, Завхан аймагт 1, Говь-Алтай аймагт 1, Увс аймагт 1 төсөл, арга хэмжээний худалдан авах ажиллагааг зохион байгуулах эрхийг шилжүүлж, гүйцэтгэл, хэрэгжилтэд нь хяналт тавин ажиллаж байна.

Тус яамны 2010 оны худалдан авах ажиллагааны төлөвлөгөөнд тусгагдсан нийт 61 төсөл, арга хэмжээнээс үнэлгээ хийж байгаа 6, тендер зарласан 22, дахин тендер зарлахаар төлөвлөж байгаа 1, Азийн хөгжлийн банкаар тендерийн баримт бичгийг хянуулж байгаа 4, тендерийн баримт бичгийг боловсруулж байгаа 6, зээлийн гэрээ нь УИХ-аар батлагдсаны дараа тендерийг зарлах 2, зураг төсөл хийгдэж байгаа 15, зураг төсөл байхгүй 5 төсөл арга хэмжээнүүд байна.

Улсын төсвийн хөрөнгө оруулалт, Монгол Улсыг хөгжүүлэх сан, замын сангийн болон гадаадын зээл, тусламжийн хөрөнгөөр хэрэгжүүлэх барилга, зам, гүүрийн байгууламжийн төсөл арга хэмжээний 2009 оны давсан гүйцэтгэлийг хянаж, батлагдсан төсвийн дагуу эрх нээлгэхээр 8.7 тэрбум төгрөгийн санхүүжилтийг Сангийн яаманд хүргүүлж санхүүжүүлсэн.

Сайдын багцын хүрээнд улсын төсвийн болон Монгол улсыг хөгжүүлэх сан, замын сан, гадаадын зээл, тусламж, Засгийн газрын нөөц хөрөнгөөр хэрэгжиж буй зам, гүүрийн барилга угсралт, зам засвар арчлалтын ажил, барилга байгууламж, тоног төхөөрөмж, их засвар болон бусад хөрөнгө оруулалтын төсөл, арга хэмжээний төсвийн гүйцэтгэлийн 2009 оны жилийн эцсийн тайлан балансыг хугацаанд нь хууль тогтоомжийн дагуу гаргаж Сангийн яам, Үндэсний аудитын газарт тус тус хүргүүлэв. Бүх дансыг Сангийн яамтай тооцоо нийлж баталгаажуулж байна.

Сангийн сайдын 2009 оны 06 дугаар сарын 05–ны өдрийн 135 дугаар тушаалаар батлагдсан ”Төрийн болон орон нутгийн өмчийн эд хөрөнгийн дахин үнэлгээ хийх” багцын хүрээнд хөрөнгийн дахин үнэлгээг явуулж дүнг нэгтгэн Сангийн яам болон Төрийн өмчийн хороонд хүргүүлэн тайлан тэнцэлд тусгуулан баталгаажуулж байна.

Олон улсын болон улсын чанартай авто замаар зорчиж байгаа тээврийн хэрэгслээс 47.7 сая төгрөгийн хураамжийн орлого төвлөрүүлэн, төлбөр хураах 15 цэгүүдийн үйл ажиллагааны зардалд 49.2 сая төгрөгийн санхүүжилтийг олгосон.

Байгаль цаг зуурын хүндрэлтэй байгаатай холбогдон яамны ажилтнуудын нэг өдрийн цалинтай болох