Дэлхийд хамгийн алдартай хөлбөмбөгийн лигүүдийн нэг болох Премьер лиг Английн хамгийн том гэгдэх цэнгэлдэхүүдэд явагддаг. Эдгээр нь ямар цэнгэлдэхүүд болох, ямар багууд тэнд тоглодог болохыг танд хүргэе

 

 

 

Лондоны Вэмбли цэнгэлдэхэд Английн хөлбөмбөгийн голлох тоглолтууд явагддаг. Цомын тэмцээний аварга шалгаруулах тоглолтууд, плей-офф-ын тоглолтууд, Английн үндэсний шигшээ багийн тоглолт явагддаг. Тус цэнгэлдэх 90,000 үзэгчийн багтаамжтай бөгөөд дээвэр дээгүүр нь татсан дүүжинт нумаар түүнийг танихад хялбархан.

 

 

Шинэ зуунд хамгийн амжилттай Английн хөлбөмбөгийн баг энэ цэнгэлдэхэд тоглодог бөгөөд дан багийн эзэмшилд байдаг хамгийн том цэнгэлдэх юм. 76,000 хүний суудалтай Өүлд Траффордод зочлох нь дэлхий даяар буй тус багийн хөгжөөн дэмжигчдэд мөрөөдөл биелсэн адил тооцогддог гэнэ.

 

 

 

Английн хөлбөмбөгийн цэнгэлдэхүүдээс хамгийн сүүлийн үед баригдсан нь Лондоны Эмирайтс цэнгэлдэх юм. 60,000 хүний суудалтай тус цэнгэлдэх Арсенал багийн хуучин Хайбөри дэхь цэнгэлдэхийн орыг залгажээ. Уг цэнгэлдэхийн онцлох зүйл гэвэл хамгийн томд тооцогдох зүлэгтэй, цэнгэлдэхийг байгалийн гэрэлтүүлгээр

хангахад зориулагдсан онцлог загвартай аж.

 

 

 

Ньюкасл Юнайтед багийн тоглодог цэнгэлдэх нь Зүүн хойд Англидаа хамгийн том нь юм. 52,000 хүний суудалтай цэнгэлдэх Ньюкасл хотын төвд байрладаг бөгөөд баганан тулаас бүхий дээвэр нь тус хотын аль зүгээс харагддаг. Орчин тойрны оршин суугчид болон хотын захиргаатай зөрчилдөөн үүсгэхгүй байх, багтаамжаа нэмэгдүүлэх оролдлого 2-ын дүнд суудлууд нь жигд биш өндөртэй хийгджээ.

 

 

 

49,000 хүний багтаамжтай Сандэрлэндийн Гэрлийн цэнгэлдэх /Stadium of Light/ Английн 5 дахь том хөлбөмбөгийн цэнгэлдэх юм. Тус цэнгэлдэх нь 2000 онд шинэчлэн сайжруулж дуусгасан хамгийн орчин үеийн тоноглолуудтай. Өнөөдөр Гэрлийн цэнгэлдэх нь Английн хамгийн 5 элит цэнгэлдэхийн нэг бөгөөд Европын хөлбөмбөгийн холбооны 5 одын зэрэгтэй юм.

 

 

 

48,000 хүний багтаамжтай 2002 оны Британий хамтын нөхөрлөлийн орнуудын наадамын цэнгэлдэхээр баригдсан ч 2003 онд хөлбөмбөгийн цэнгэлдэх болон өөрчлөглөгдөж, Манчестер сити баг уг цэнгэлдэхийг өөрийн болгосон байна.

 

 

 

Ливерпүүл хотод Английн хамгийн эртний болоод нэр хүнд бүхий цэнгэлдэхийн нэг байдаг. 45,000 хүний багтаамжтай тус цэнгэлдэх нь хөлбөмбөгийн аман зохиолд илэрхийлэгдсэн “Kop” зэргийн суудлуудтай бөгөөд нэгэн зэрэг 30,000 үзэгчийг багтааж чадна. Ливерпүүл багийн олон хөгжөөн дэмжигчид ойрын ирээдүйд Энфилдээс Стэнли паркад баригдах 60,000 хүний суудалтай цэнгэлдэх рүү нүүнэ гэдэгт сэтгэл дундуу байдаг гэнэ.

 

 

 

Англи улсын Бирмингэм хотын Вилла Парк нь өнөөдөр ч гэсэн ашиглагдсаар байгаа хамгийн хуучны хөлбөмбөгийн цэнгэлдэхийн нэг юм. 42,000 хүний суудалтай тус цэнгэлдэх нь Европын хөлбөмбөгийн холбооны 5 одын зэрэгтэй цөөхөн цэнгэлдэхийн нэг ба олон тооны олон улсын хэмжээний тоглолтууд явагддаг. Астон Вилла хөлбөмбөгийн баг нь ойрын 10 жилд цэнгэлдэхийн багтаамжийг 50,000 хүргэх төлөвлөгөөтэй байна.

 

 

 

Нэгэнтээ Англидаа төдийлөн нэр нь гараагүй Стэмфорд Бриж цэнгэлдэх өнөөдөр Английн хөлбөмбөгийн жижиг багаас томоохон дэвшилд хүрч чадсан Челси хөлбөмбөгийн баг гэдэгтэй адил сонсогдох болжээ. Хөгжөөн дэмжигчид нь “Бриж” /The Bridge/ хэмээн нэрлэдэг тус цэнгэлдэх нь 42,000 хүртэлх хүний багтаамжтай. 55,000 хүн үзэгч суухаар багтаамжтай болгож өргөсгөх төлөвлөгөөтэй байгаа хэдий ч одоогоор нутаг дэвсгэрийн хязгаарлалтын хуулиуд болон орчны барилгуудаас хамааран зогсжээ.

 

 

 

Англиийн 10 дахь том цэнгэлдэх нь дэлхийн хамгийн хуучны цэнгэлдэх бөгөөд хөлбөмбөгийн тэмцээн зохиохоор хувь хүний захиалгаар анх баригдаж байжээ. Зарим үед Ливерпүүлийн “Сүрлэг хөгшин хатагтай” /Grand Old Lady/ гэгддэг 1892 онд нээгдсэн Гүүдисон Парк нь одоогоор 40,000 үзэгчийн суудалтай. Ойрын үед ус баг илүү том Kirkby Stadium хэмээх цэнгэлдэх рүү нүүх төлөвлөгөөтэй ажээ.