Дэлхийд орон сууцны зах зээл аажмаар сэргэж байна. Энэ дүгнэлтийг дэлхийн 27 оронд явуулсан судалгааны үндсэн дээр зөвлөгөө өгдөг “Global property guide’s” компани гаргажээ.

 

Тэдний үзсэнээр, 10 улс оронд үл хөдлөх хөрөнгийн үнэ ханш нэмэгдсэн бол харин 17 оронд үнийн өсөлт ажиглагдсан байна. Тус компанийн судалгаагаар, 2008 оны 3 дугаар улирлаас 2009 оны мөн улирлын хугацаанд Латви улсад орон сууцны үнэ бараг 60%-р доошилсон нь бусад орноос үнийн хувьд хамгийн хямд байжээ. Тэгвэл хоёрт Арабын Эмират /-48.1 хувь/, гуравт Болгоа/-28.7 хувь/, дөрөвт Исланд /-21.2 хувь/ орсон байна. Манай хойд хөрш тавд орсон бөгөөд орон сууцны үнэ 19.5 хувиар буурчээ. Орон сууцны үнэ буурсан эхний арван улс орны тоонд Словак /-15.3 хувь/, Тайланд /-13.2 хувь/, Сингапур /-10.1 хувь/, ӨАБНУ /-7.1 хувь/ багтсан байна.

 

Харин орон сууцны зах зээл нь өсч байгаа улс оронд Израйль тэргүүлсэн байна. Тэнд үл хөдлөх хөрөнгө 10.1 хувиар нэмэгджээ. Тэгвэл Австралид жилийн дотор орон сууцны үнэ 4.9 хувиар, Швейцарт 4.3 хувиар, Хятадад 4 хувиар, Гонконгт 3 хувиар, Норвеги болон Шинэ Зеландад 2 хувиар, Португалид 1.5 хувиар, Финляндад 0.9 хувиар, Шведэд 0.8 хувиар тус тус нэмэгдсэн байна.

 

 

Бизнес Таймс