“Мишээл экспо” төвийн үзэсгэлэнгийн танхимд Барилга хот байгуулалтын яам, Нийслэлийн захирагчийн ажлын алба, Барилгын биржийн хамтран зохион байгуулж буй “Шинэ байшин-Шилдэг тохижилт” барилгын үзэсгэлэн яармаг өчигдөр нээлтээ хийлээ. Үзэсгэлэн яармагт барилгын материал үйлдвэрлэгч импортлогч, барилга орон сууцны хөрөнгө оруулагчид, шинээр орон сууц барьж буй барилга угсралтын компаниуд оролцож байгаа бөгөөд барилга сонирхогч хэн бүхэнд тус үзэсгэлэн яармаг өглөөний 10 цагаас оройн 19 цаг хүртэл нээлттэй үйлчилж байна. Үзэсгэлэн яармаг энэ сарын 25-ний өдөр хүртэл үргэлжилнэ.  Холбогдох  мэдээллийг 344393,  99099511 дугаарын утсаар авч болох юм байна.