Монголын улсын Зам тээвэр, барилга хот байгуулалтын яам 2009 оны үйл ажиллагааны тайлангаа гарган нийтэлсэн байна. Тайлан:

• Авто тээвэрийн салбар,
• Барилга орон сууц, нийтийн аж ахуйн салбар,
• Хот байгуулалт, газрын харилцаа, геодези, зураг зүй
• Санхүү, хөрөнгө оруулалт, хамтын ажиллагаа
• Төрийн захиргаа, удирдлага

гэсэн бүлгүүдтэй.

Барилга орон сууц, нийтийн аж ахуйн салбарт гэсэн хэсгээс дурьдвал

"Барилгын тухай” хуулийн дагуу шинэчлэн боловсруулсан “Барилга, байгууламжийг ашиглалтад оруулах дүрэм”, “Барилгын ашиглалтын дүрэм”-ийг Засгийн газрын 2009 оны 72, “Барилгын захиалагчийн дүрэм”-ийг 73, “Барилга, байгууламжийн норм, нормативын баримт бичгийн тогтолцоо”-г 74, “Зураг төсөл боловсруулах, зөвшөөрөлцөх, магадлал хийх дүрэм”­ийг 204 дүгээр тогтоолуудаар тус тус батлуулж мөрдүүлэв.

УИХ-аас 2009 оны 07 дугаар сарын 16-нд баталсан “Гаалийн албан татвараас чөлөөлөх тухай”, “Нэмэгдсэн өртгийн албан татвараас чөлөөлөх тухай” хуульд нийцүүлэн “Барааг тодорхойлох, кодлох, уялдуулсан систем”-ийн дагуу барилга, барилгын материалын үйлдвэрлэл, орон сууцны салбарын тоног төхөөрөмж, сэлбэг хэрэгслэлийн жагсаалтыг боловсруулан холбогдох газарт хүргүүлэн, улмаар Засгийн газрын 2009 оны 10 дугаар сарын 14-ний өдрийн “Жагсаалт батлах тухай” 316 дугаар тогтоол гарч, хэрэгжүүлэх ажлыг зохион байгуулж байна.

Зураг төсөл, хайгуул, судалгааны байгууллага, барилгын материалын үйлдвэрээс гүйцэтгэсэн ажил, үйлдвэрлэсэн бүтээгдэхүүний үнийн дүнгийн 0.18 хувиар нормчлолын санд хөрөнгө төвлөрүүлэхээр “Барилгын норм, норматив боловсруулах санг бүрдүүлэх, зарцуулах журам”-д заасан холбогдох заалтуудыг Монгол Улсын Засгийн газрын Хэрэг эрхлэх газрын 2009 оны 10 дугаар сарын 14-ний өдрийн ХЭГ/1743 тоот албан бичиг , Хууль зүй, дотоод хэргийн сайдын 2009 оны 11 дүгээр сарын 05-ны өдрийн 01/3058 тоот дүгнэлтийг үндэслэн хүчингүй болгож ЗТБХБСайдын 2009 оны 325 дугаар тушаал гаргав.

Тайланг энд дарж татаж авна уу

ЗТБХБЯам-ны сайт: www.mrtcud.gov.mn