Дэлхийн цаг уурын өөрчлөлт, байгаль экологийг тэнцвэрт байдал алдпагдсанаас сүлийн жилүүдэд ихэнх бүс нутагт байгалийн гамшигийн төрөл, давтамж ихэсч, учруулж байгаа жилээс жилд үлэмж нэмэгдэж байгаа билээ. Байгалийн гамшигт үзэгдлүүдийн дотроос газар хөдлөлт нь урьдчилан тааварлах боломжгүй хамгийг их эрсдэлтэй, олон тарлийн эвдрэл сүйрэл, хор хохирол учруулдаг онцлогтой.

 

Гэтэл Улаанбаатар хотын хувьд нийт барилгажилтын талбайн 25% нь 6 баллын, 52% нь 7 баллын, 23% нь 8 баллын газар хөдлөлтийн бүсэд хамрагддаг.

 

Түүнчлэн сүүлийн жилүүдэд хүн амын төвлөрөл нийслэл хотод ихэсч, нөгөө талаас чанарын шаардлага хангахгүй барилга байшин олгоор баригдаж байгаа нь газар хөдлөлтийн эрсдлийг улам ихээр нэмэгдүүлж байна.

Иймээс сургууль, цэцэрлэг, их, дээд сургуулийн оюутан сурагчид, нйит ард иргэдэд газар хөдөлөлтийн аюулаас сэрэмжилэх, газар хөдлөлтйн үед өөрийгөө болон бусдыг хамгаалах мэдлэг, ур чадварыг зааж эзэмшүүлэх, олон нийтийн сонор сэрэмжийг дээшлүүлэх, гамшгийн хохирол багатай даван туулах, гамшигийн бэлэн байдал, урьдчилан сэргийлэх үйл ажиллагааг эрчимжүүлэх шаардлагатай байна.

 

Болзошгүй газар хөдлөлтийн гамшиг, түүний аюулаас урьдчилан сэргийлэх талаар талаар олон нийтийн мэдлэгийг сайжруулж, сургалт сурталчилгаа явуулах, тэднийг бэлэн байдалд сургаж дадлагжуулах болон тарийн болон төрийн бус байгууллагуудын хамтын ажиллагааг бэхжүүлэх замаар газар хөдлөлтийн гамшигийн үеийн эрсдлийг бууруулахад үр дүнтэй хувь нэмэр оруулах зорилгтойгоор Австралийн Улаан Загалмай Нийгэмлэгийн санхүүжилтээр Монголын Улаан Загалмай Нийгэмлэг- Хан-Уул дүүргийн Улаан Загалмайн Хороо ард иргэдийг газар хөдлөлтийн аюул тохиолдоход анхан шатны яаралтай тусламж үзүүлэхэд хэрэгцээтэй чухал мэдлэг мэдээллээр хангах болон эд материалын, багаж хэрэгслийн хангамж нөөцтэй байх үүднээс “ Газар хөдлөлтийн эрсдлийг бууруулах” төслийг санаачлан хэрэгжүүлж эхлээд байна.

 

Төслийн хүрээнд 2010 оны 1-р сарын 22-нд “Газар хөдлөлтийн эрсдлийг бууруулах” төслийн сургагч багш бэлтгэх сургалтыг дүүргийн Онцгой байдлын хэлтэстэй хамтран зохион байгуулсан бөгөөд Ерөнхий боловсролын Сод авъяас, 32, 7, 115, 75, 52, 41, 32, 60-р сургууль, Хан-Уул дүүргийн 10, 3, 11, 2, 1-р хороо, ДЦС-3 ТӨХК зэрэг газруудаас 21 хүн хамруулж бэлтгэлээ.