Дубай хот. Цөлд цэцэглэж буй хот. Баруун Өмнөд Ази, Персийн буланд орших Арабын нэгдсэн Эмират улсын энэхүү хотод дэлхийн хамгийн өндөр цамхаг саяхан ашиглалтанд орсон. "Дэлхийн хамгийн өндөр барилга" гэх тодотголыг Тайванийн нийслэл Тайпэй хот дахь Taipei Tower-с "булаагаад" буй 162 давхар, 828 метр өндөр, 1 тэрбум гаруй паундын өртөгөөр боссон, гадна фасадыг 26,000 ширхэг шилэн хавтангаар бүрсэн гэх Burj Dubai дэлхийн олон нийтийн анхаарал татаад байгаа билээ.

Үүний зэрэгцээ тус хотод маш олон сонирхолтой төслүүд хэрэгжиж байна. Дал модны болон дэлхийн бөмбөрцгийн тивүүдийг илэрхийлэн харуулсан хэлбэр бүхий хиймэл арлуудыг эргийнхээ ойролцоо байгуулж, олон гоёмсог хаус, ордуудыг түүн дээрээ барьж босгосон байна. Дубай хот газрын тосноос олсон валютаар элсэн дунд сүндэрлэж буй гандирсын хот болж байна.