Зүүн хойд Хятадад орших Харбин хотод 2010 оны 01 сарын 05-нд 26 дахь удаагийн цас мөсний баяр нээгдэж, дэлхийн олон орны жуулчдыг урин даллаж байна. Нийтдээ 2000 гаруй мөсөн барималыг урлахад 150 мянган шоометр мөс, 100 мянган шоометр цас ашиглажээ.

 

Шөнийн цагаар мөсөн баримлуудыг гэрэлтүүлсэн нь гайхалтай сүр үзэмжийг бий болгожээ. 3 сар үргэлжлэх баярын хүрээнд 100 гаруй арга хэмжээг зохион байгуулахаар төлөвлөсөн бөгөөд үүнд нь дэлхийн олон орноос хүйтэн усанд сэлэх тэмцээн, жуулчдад зориулсан янз бүрийн үзүүлбэр зэргээр өрсөлдөх аж.

Хүйтэн усанд сэлэх хорхойтнууд баярыг нээгдэхээс өмнө -27 хэмийн хүйтэн усанд сэлээд амжсан байна. Баярын 2 дахь өдөр 28 залуу хосын хуримын нэгдсэн ёслол болжээ. "Мөсний хот" хэмээн нэрлэгддэг Харбин хот нь Хятадын хамгийн хүйтэн газруудын нэг бөгөөд өвөлд -40 хэм хүртэл хүйтэн байдаг аж.

 

 

 

 

 

 

 

 

 

 

 

 

 

 

 

 

 

 

 

 

 

Барилга.мн