Өнгөрсөн онд Улаанбаатар хотын авто замын салбарт томоохон шинэчлэлтүүд хийгдсэн. Ачаалал ихтэй төв замуудыг шинэчлэн засварласнаас гадна нүхэн гарцныхаа тоог ч нэмсэн. Харин энэ онд ямар ажлууд хийгдэх талаар нийслэлийн Авто замын газрын дарга Д.Одтой уулзаж ярилцлаа.

 

 

-Бид 2010 онд хуучин замуудаа шинэчлэхээр нэлээд олон ажлыг төлөвлөөд байна. Ингэхдээ ачаалал ихтэй төв зам, хамгийн их түгжрэл үүсдэг хэсгүүдээс эхэлж шинэчилнэ. Өнгөрсөн онд ч ийм чухал замуудаа шинэчилж, өргөтгөсөн. Энэ онд хотын төв хэсгийн ачаалал ихтэй замуудыг шинэчлэхээр төлөвлөсөн. “Цэцэг” төвөөс МУБИС-ийн уулзвар хүртэл буюу Бага тойруугийн 2.6 километр, Сүхбаатарын гудамжны хоёр километр авто замуудыг шинэчилнэ. Мөн Нарны замын зүүн, баруун хэсэг нэлээд түгжрэл үүсдэг. Энэ хэсгийг ч өргөтгөнө. Үүнээс гадна Гурвалжингийн гүүрийн их засвар хийгдэнэ. Үүнтэй холбоотойгоор Саппорогийн аюулгүйн тойргийн замын шинэчлэлтийн ажил хийгдэх юм.

 

 

-Энгельсийн гүүрийн газар чөлөөлөх, шугам сүлжээ зайлуулах бэлтгэл ажил хийгдээд гүйцэтгэгч нь шалгарч, ажлаа эхлээд байна. Тээврийн товчооноос Энгельсийн гудамж руу давсан энэ гүүрийг Япон улсын буцалтгүй тусламжаар хийж байгаа. Энэ гүүрийн ажил 2012 он хүртэл үргэлжилнэ. Мөн Нарантуул худалдааны төвийн баруун талаар гарч буй гүүрэн гарцыг барих хөрөнгийг хаанаас хэрхэн шийдвэрлэх талаар ярилцаж байна.

 

 

-Нэгэнт өвөл хийж чадахгүй учраас хавар хийхээр гэрээгээ сунгасан. Өнгөн хучилтаа хийж, эвдэрсэн хэсгүүдээ хавар засч, шаардлага хангах хэмжээнд хүргэнэ. Японы буцалтгүй тусламж болохоор хөрөнгийг зам засварт зориулна гэсэн шийдвэрийг Японы талаас гаргасан. Харин энэ шийдвэр харьцангуй оройтсон. Замын салбарт тусламж өгье гэж байхад цаг хугацаа оройтсон ч эхлүүлэхээр болсон. 16 замыг 22 метр болгон өргөтгөсөн гэдгийг энд онцолж хэлмээр байна. Маш олон шугам сүлжээг зайлуулж, газрыг чөлөөлснөөс нэлээд цаг хугацаа алдсан.Цаг агаар хүйтэрч, технологийн хувьд хийх боломжгүй болсон ч өргөтгөсөн хэсгээ шороогоор нь орхилгүй хучилтыг хийлгэсэн. Гэхдээ зарим хэсэгт технологи алдагдсан нь үнэн. Ингэж өргөтгөсний үр дүнд түгжрээд явдаггүй байсан авто замын хөдөлгөөнийг саадгүй нэвтрүүлдэг болсон. Бараг л Энхтайваны өргөн чөлөөнөөс ч илүү нэвтрэх чадвар сайжирсан.

 

 

-Энэ жил Авто замын сангийн бүрдүүлэлтийг зургаан тэрбум 457 сая төгрөгөөр төлөвлөсөн байгаа. Үүнээс Саппорогийн аюулгүйн тойргоос гурвалжингийн гүүр хүртэлх 400метр замыг шинэчилнэ. Хотын төвийн гол замуудын шинэчлэлт эргэн төлөгдөх санхүүжилтийн нөхцөлтэйгээр хийгдэхээр төлөвлөгдсөн. Харин бусад урсгал засваруудыг нийслэлийн Авто замын сангийн хөрөнгөөр хийнэ. Үүнд орон сууц болон гэр хорооллын замуудыг шинэчилнэ.

 

 

-Азийн хөгжлийн банкны зээлийн хөрөнгөөр гэр хорооллын шинэ суурьшлын бүсүүдэд зам тавигдана. Хайлаастын 1.1 километр, Орбит, Тахилтын 7.1 километр, Баянхошууны Баруун салааны 5.1 километр зам гэсэн шинэ замуудын барилгын ажил эхэлнэ. Шинэ замын 20-40 хувь нь энэ онд хийгдэнэ. Уг төсөл 2012 онд хэрэгжиж дуусах юм.

 

 

-Өнгөрсөн онд улсын төсвийн тодотгол нэлээд аажуу хийгдсэн. Харин энэ жилийн хувьд төсөв батлагдсан, ямар нэг өөрчлөлт орох асуудал байхгүй учраас тендерийн бэлтгэл ажил явагдаж байна. Тиймээс тендер эрт зарлагдана. Гэхдээ тендерийн мөрддөг цаг хугацаа урт. Нээлттэй тендерийг зарлаад дор хаяж 30 хоног хүлээх ёстой. Тэгээд 30 хоногийн дараа материалаа аваад тендерийг үнэлдэг. Хэрэв хүчингүй болвол тендерийг дахин нээлттэй зарлаад 30 хоногийн дараа үнэлж дүгнэдэг. Тендер бол зарлагдах хугацаандаа эрт зарлагдана. Гэхдээ санхүүжилтийн тухайд эргэн төлөгдөх нөхцөлтэй замын ажил олон байгаа учраас хүндрэл гарч, тендер хүчингүй болохыг үгүйсгэхгүй. Тийм тохиолдолд цаг хугацаа алдана. 

 

 

-2009 оныхоос ч илүү их ажил хийгдэнэ. Гэхдээ ихэнх замууд эргэн төлөгдөх нөхцөлөөр хийгдэхээс гадна дотоодын компаниуд ажиллах чиглэлтэй байгаа. Санхүүгийн хямралаас шалтгаалан хувийн хэвшлийн замын байгууллагуудын хөрөнгийн чадавхи ажлын хурдад их нөлөөлнө.

 

 

-Улаанбаатар хотын нийт 427.6 километр авто замын 80 хувь нь ашиглалтын хугацаа дууссан, шинэчлэх зайлшгүй шаардлагатай замууд бий. 2009 онд 11 километр замыг шинэчилсэн. Хотын зам доод тал нь 16 метр, дээд тал нь 22 метр гэхээр харьцангуй өргөн. Ингээд бодохоор өнгөрсөн онд хотод 34-35 километр замын шинэчлэлтийн ажил хийгдсэн. Энэ онд түүнээс хоёр дахин илүү ажил хийхээр төлөвлөсөн. Харин энэ хоёр онд хийгдэж байгаа засвар, шинэчлэлтээс харахад Улаанбаатар хотын 427.6 километр замын 80 хувь буюу ашиглалтын хугацаа нь хэтэрсэн 300 орчим километр замын дөнгөж 10 хувь хүрэхтэй үгүйтэй нь л засварлагдаж байна гэсэн үг. Цаана нь үлдэж байгаа хувийг засахын тулд нэг жилд доод тал нь 50 орчим сая долларын хөрөнгө оруулалт хийхэд дөрөв, таван жилийн дараа Улаанбаатар хотын замыг бүрэн шинэчлэх боломжтой гэж үзэж байгаа.

 

 

Улаанбаатар Таймс