Улаанбаатар хотыг хөгжүүлэх ерөнхий төлөвлөгөө, Авто замын сүлжээг сайжруулах мастер төлөвлөгөөний дагуу гол авто замуудыг төмөр зам дээгүүр гарсан гүүрэн гарцаар холбох, нэг түвшинд төмөр замтай огтлолцож байгаа гармуудыг хоёр түвшинд болгож гүүр барихаар төлөвлөж байгаа билээ. 

Эхний ээлжинд Энгельсийн гүүрэн гарцийг барихаар төлөвлөн Монгол улсын Засгийн газраас Япон улсын Засгийн газарт 1995 оноос хүсэлт тавьсан юм. Ингээд 2006 оны 8 дугаар сарын 16-ны өдөр Япон улсын Гадаад яамнаас ирүүлсэн   006-229 тоот НОТ бичгийн дагуу Япон улсын  буцалтгүй тусламжийн Эдийн засгийн үйл ажиллагааг хөгжүүлэхэд чиглэсэн дэд бүтцийг бий болгох хүрээнд Энгельсийн гүүрэн гарцийг барихаар шийдвэрлэсэн юм. 

Япон улсын ЖАЙКА /JICA/ байгууллагаас 2007 оны 3, 6 дугаар саруудад судалгааны баг хүрэлцэн ирж гүүрэн гарц барих хэрэгцээ шаардлага, үндэслэл, гүүрийн барилгын талбай, гүүрийн талбай дээрх инженерийн шугам сүлжээ, гүүр барих байгаль орчны үнэлгээний талаар судалгаа хийж, судалгааны дүнг танилцуулан, төслийн хүрээнд Монгол, Япон улсын Засгийн газрын тус тусийн хийх ажлын цар хүрээг тогтоож ЗТАЖЯ-тай хамтарсан санамж бичигт гарын үсэг зурж баталгаажуулсан. 

Япон улсад гүүрэн гарц барих төслийн Зөвлөх компанийг шалгаруулах тендер зарлагдан Япон улсын “CTI” компани шалгаран 2008 оны 3 дугаар сард Улаанбаатар хотод хүрэлцэн ирж төслийн эхлэлийн тайлангаа тавьж, Энгельсийн гүүрэн гарц барих төлөвлөгөө, үндсэн зураг төслийн судалгаагаа танилцуулсан. 

2009 онд Монголын талаас Энгельсийн гүүрэн гарцын барилгын талбайг чөлөөлж Японы талд хүлээлгэж өгөх үүрэг хүлээсэн. Үүний дагуу Нийслэлийн Засаг даргын 2009 оны 31 дүгээр захирамжаар батлагдсан НЗД-ын Барилга, хот байгуулалт, дэд бүтэц хариуцсан орлогчоор ахлуулсан ажлын хэсэг ажилласан. Мөн Нийслэлийн Засаг даргын 2009 оны 212 дугаар захирамжаар батлагдсан төслийг хэрэгжүүлэхэд монголын талаас хийгдэх ажилд 1,0 тэрбум төгрөгийг гүүрийн барилгын талбайд орсон инженерийн шугам сүлжээг шилжүүлэх, зайлуулах ажлыг гүйцэтгэх гүйцэтгэгчийг сонгон шалгаруулах тендер зарлан, шалгаруулж ажлыг гүйцэтгүүллээ. Нийт 1,0 сая төгрөгийн газар олголт, дулаан, ус суваг, борооны усны шугам, цахилгаан, холбооны кабелийг шилжүүлэх ажил хийгдсэн. 

Төсөл хэрэгжих хугацаа 2009-2012 он 

Уг төслийг 2010 оны 2-р сарын 01-нээс жхлэн барилгын талбай дээрхи обьектыг нүүлгэн шилжүүлэх, буулгах ажлуудыг гүйцэтгэхээр төлөвлөөд байна. 

• Гүүрийн явах ангийн нийт өргөн – 16.5 – 19.5м
• Зорчих хэсгийн нийт өргөн – (3.25х2+0.75)х2 + 1.0 + 0.5х2=16.0м
• Алгаслын тоо – 6

• Туслах замын нийт урт – 633 м
• Туслах замын зорчих хэсгийн өргөн- 2х(3,25 +3,25)м
• Явган замын өргөн – 2х1.5м