Өнгөрсөн онд барилгын салбарт 80 мянган тонн арматурын төмөр хэрэглэсэн гэсэн тооцоо гарчээ. Түүний 50 хувийг л Дарханы Төмөрлөгийн үйлдвэр нийлүүлсэн аж.

Харин үлдсэн хувь нь Хятадын хөрөнгө оруулалттай хувийн үйлдвэрүүдийн хуурамч арматур юм байна. Үүнээс үүдэн барилгын чанар муудаж байгааг мэргэжилтнүүд анхааруулжээ.. Монгол орон газар хөдлөлтийн идэвхтэй бүсэд оршдог. Дөрвөн баллаас илүү хүчтэй газар хөдлөвөл нийслэлийн барилга байгууламжийн 60-аас дээш хувь нь нурах аюултай гэж судалгаагаар нотолсон байна.

1999-2000 онд Үйлдвэр Худалдааны яам, Стандартчилал хэмжилзүйн үндэсний төвөөс дээрх хятадын үйлдвэрүүдийг барилгын арматурын төмөр үйлдвэрлэх боломжгүй гэдэг дүгнэлт гаргаж байжээ.

МОНЦАМЭ