ХБНГУ-ын Мюнхен хотноо BAUMA 2010 Барилга, уул уурхайн хүнд даацын машин механизм, бүх төрлийн барилгын материал үйлдвэрлэлийн тоног төхөөрөмжийн олон улсын үзэсгэлэн нээгдэнэ.

 

ХБНГУ-ын Мюнхен хот, Мюнхен хотын үзэсгэлэнгийн корпорациас 2010 оны 4 дүгээр сарын 19-25ны өдрүүдэд BAUMA 2010 Барилгын болон уул уурхайн хүнд даацын машин механизм, барилгын материал үйлдвэрлэлийн тоног төхөөрөмжийн Олон улсын үзэсгэлэнг зохион байгуулах гэж байна. ВAUMA Дэлхийн хэмжээнд барилга, уул уурхайн салбарын хамгийн том үзэсгэлэн бөгөөд салбар үзэсгэлэнгээ БНХАУ-ын Шанхай хотноо зохион байгуулдаг билээ.

 

Messe Muenchen International (MMI) байгууллага нь Дэлхийн тэргүүлэгч үзэсгэлэн яармаг зохион байгуулагчдын нэг юм. Тус байгууллага нь үйлдвэрлэлийн түүхий эд болон хэрэглээний бараа бүтээтээгдэхүүн, хамгийн орчин үеийн дэвшилтэт технологийн чиглэлээр голлох үйлдвэрлэлийн нийт 40 орчим үзэсгэлэн яармагийг зохион байгуулсан.

 

Үйлдвэрлэлийн бараа бүтээгдэхүүний хувьд барилга угсралтын салбар, инженер, байгаль орчинд хор нөлөөгүй техник, ачаа тээвэр болон тээвэрлэлт, керамикийн үйлдвэрлэл, автоматжсан техник, техникийн засвар үйлчилгээний болон оффис, зочид буудал, ресторан зэрэг аж ахуй, үл хөдлөх хөрөнгийн үзэсгэлэнг зохион байгуулж энэ салбартаа онцгой дадлага туршлага бүхий дэлхийн томоохон үзэсгэлэн зохион байгуулагч билээ.

 

Түүнчлэн спортын бараа бүтээгдэхүүн, цаг, үнэт эдлэл зэрэг хэрэглээний бараа, аялал жуулчлалын салбарын болон биологийн шинжлэх ухааны судалгаа, шинжилгээ, электроник, мэдээллийн технологи, харилцаа холбооны салбар дахь дэвшилтэт технологийн үзэсгэлэн худалдааг MMI нь амжилттай зохион байгуулсан билээ.

 

Нийт 100 гаруй улсаас 30,000 гаруй оролцогчид жил бүхэн Мюнхенд зохиогддог үзэсгэлэнд тогтмол оролцдог бөгөөд 200 гаруй улсаас дунджаар 2 сая орчим зочид, ажил хэрэгч хүмүүс хүрэлцэн ирдэг юм. Түүнээс гадна MMI нь Ази, ОХУ, Ойрхи Дорнод болон Өмнөд Америкт үзэсгэлэн зохион байгуулдаг.

 

MMI нь Ази, Европ тивд 6 салбар компанитай ба 89 орны 66 төлөөлөгч бүхий дэлхийг хамарсан бизнесийн сүлжээг бий болгосон юм. Тус байгууллагын дотоод болон гадаад үйл ажиллагааны давуу тал нь тогтвортой байдал ба хүрээлэн буй орчныг хамгаалах явдал юм.

 

ВAUMA-гийн үзэсгэлэнгийн талбай нь дэлхийд хамгийн том үзэсгэлэн яармаг юм. 2010 оны 4 дүгээр сарын 19-25-ны өдрүүдэд болох үзэсгэлэнд үзэсгэлэн гаргагчдын тоог харгалзан MMI нь нэмэлт талбайг барьж дууслаа. Ингэснээр үзэсгэлэнгийн нийт талбай нь 555,000 ам метр буюу хагас сая кв.м талбайг хамарсан хамгийн том үзэсгэлэн болох юм.

 

Дээр дурьдсан талбайг зассанаар MMI нь барилгын шат, тоног төхөөрөмж, багаж хэрэгсэл, сэлбэг, туслах материалууд зэрэг бүтээгдэхүүн үйлдвэрлэгчдэд нэн шаардлагатай байсан талбайгаар ханган өгч байгаа өмнөх жилд олгосон 540,000 ам метр бүхий үзэсгэлэнгийн амжилтын эвдэж байгаа юм.

 

Монгол Улсад барилгын салбар эрчимтэй хөгжиж, барилгажуулалт нэн шаардлагатай байгаа, мөн Дэлхийн барилгын салбарын өнөөгийн хөгжил, ОУ-ын чанар, стандартыг BAUMA-гаас буюу газар дээр нь үзэх, түүнчлэн гадны олон түнштэй харилцаа тогтоох өргөн боломж нээгдэх тул манай барилга уул уурхайн салбарынханд энэхүү үзэсгэлэн нь нэн ач холбогдолтой гэж үзэж байна.

 

МҮХАҮТанхим болон ХБНГУ-ын Мюнхен хотын Үзэсгэлэнгийн Корпораци хоорондын байгуулсан хамтын ажиллагааны санамж бичгийн дагуу бид энэ удаагийн үзэсгэлэнд Монголын бизнес эрхлэгчдийг зохион байгуулан оролцуулах гэж байна.

 

Жич: Тус үзэсгэлэн нь олон улсын томоохон үзэсгэлэн тул аль болох гадаад хэлтэй хүнээ хамруулахыг хүсье. Хэрэв орчуулагч шаардлагатай бол сайтар судлан эцсийн шийдвэрээ урьдчилан, яаралтай мэдэгдэхийг хүсье. Мөн Та бүхэнд хөтөлбөрийг ойрын хугацаанд хүргүүлэх болно.

 

Дараахь нэр бүхий холбоос дээр дарж холбогдох баримтуудыг татаж авна уу

 

 

Бүртгэлийн эцсийн хугацаа: 2010 оны 3 дугаар сарын 19-ний өдрийг дуустал үргэлжилнэ. Учир нь том хэмжээний үзэсгэлэн зохион байгуулахад зочид буудал дүүрч, үнэ өсдөг тул онцгой анхаарч заасан хугацаанд бүртгүүлнэ үү.

 

Харилцах хаяг: МҮХАҮТ-ын ҮЯГазар

Утас: 312371, 55156625 Г.Болормаа

Факс: 324620

Э-мэйл: bolormaa.g@mongolchamber.mn, bolor_china@yahoo.com