Газар хөдлөлтийн тэсвэрлэлтэд магадлал хийхэд суралцана
Barilga
2019-11-05
Улаанбаатар хотын Барилга, хот байгуулалт, төлөвлөлтийн газрын урилгаар ОХУ-ын Эрхүү хотын Техникийн их сургуулийн проректор А.К.Комаров тэргүүтэй төлөөлөгчид ажлын айлчлал хийж байна.
Айлчлалын үеэр хоёр тал хамтын ажиллагааны төрлүүдийг хэлэлцэн тогтож, санамж бичигт гарын үсэг зурлаа. Өндөр барилгуудыг газар хөдлөлийн норм дүрэмд нийцүүлэн төлөвлөх аргачлалыг дадлага туршлагатай мэргэжилтэн, тэргүүлэх багш нараар заалгах, сургалт семинар зохион байгуулах, барилга байгууламжид газар хөдлөлийн тэсвэрлэлтийн магадлал хийх, барилгын үндсэн араг бүтэцэд үүссэн ан цав, цууралт, суултыг хэрхэн арилгах болон барилгын дэвшилтэт технологи, үр өгөөжтэй туршлага, хамтын ажиллагааны аливаа мэдээллийг тухай бүр харилцан солилцож байхаар болжээ.
Эрхүүгийн төлөөлөгчдийг Нийслэлийн Засаг даргын орлогч Б.Мөнхбаатар хүлээн авч уулзан, санал солилцсоны зэрэгцээ барилгын газар хөдлөлийн тэсвэрлэлтэд магадлал хийх аргачлалын талаар Эрхүүгийн эрдэмтэд сургалт семинар зохион байгууллаа.
Монцамэ