Монгол Улсын тусгаар тогтнол, эрх чөлөөний төлөө залуу нас, халуун цусаа амь хайргүй зориулж явсан ахмадуудынхаа ач буяныг төр засаг хариулах ёстой гэсэн үүднээс 2008 оны зургаадугаар сарын 6-нд гаргасан Монгол Улсын Ерөнхийлөгчийн зарлигийг биелүүлэхээр Монгол Улсын Засгийн газар орон сууц олгох тогтоол гарган ажиллаж байгаа билээ. Өнөөдрийн байдлаар 1600 гаруй ахмадад орон сууц олгохоос өнгөрсөн онд 600 орчимд нь олгоод байна. Энэ ажлын хүрээнд маргааш 11 цагаас Батлан хамгаалах яамны сайд Л.Болд 24 ахмад дайчдад орон сууцны түлхүүр гардуулах юм. Мөн энэ өдөр 11 цагаас энхийг сахиулах ажиллагаанд оролцож байгаа цэргүүдийг ар гэрийнхэнтэй нь онлайн уулзалт зохион байгуулах аж.

Д.Долгор