ДОТООДЫН ҮЙЛДВЭРЛЭГЧИД ОЮУТОЛГОЙН БҮТЭЭН БАЙГУУЛАЛТАД ЦЕМЕНТ НИЙЛҮҮЛНЭ
Barilga
2019-11-05
Оюутолгой төслийг хэрэгжүүлэхээр Хөрөнгө оруулалтын гэрээ байгуулах явцад төсөлд Монголын аж ахуйн нэгж, копаниудыг түлхүү оролцуулах, манай улсаас ажиллах хүч авахаар Засгийн газраас асуудал тавьж, хоёр тал тодорхой тохиролцоонд хүрсэн. Харин гэрээг байгуулснаас хойш Оюутолгой ХХК-д Монголын олон аж ахуйн нэгж, компаниудаас маш их санал, хүсэлт иржээ. Тиймээс компанийн зүгээс ханган нийлүүлэгчдийн сүлжээ үүсгэх, хүчин чадлыг тодорхойлохоор болсон байна. Монголын бизнесийн зөвлөл, "СантМарал" сангаар дамжуулан Монголын ханган нийлүүлэгчдийн мэдээллийн санг бүрдүүлж эхэлсэн юм. Одоогоор тус санд 26 салбарын 1500 гаруй аж ахуйн нэгж, компани бүртгүүлжээ.
Оюутолгойн хөрөнгө оруулалтын гэрээг хэрэгжүүлэхээр хөрөнгө оруулагчид, Засгийн газар хамтран байгуулсан Ажлын байнгын хороо cap бүр хуралдаж, тодорхой асуудлыг хэлэлцэж байгаа. Засгийн газрын зүгээс ханган нийлүүлэгчдийн хувьд Монголын аж ахуйн нэгжийн оролцоог нэмэгдүүлэхэд түлхүү анхаарал хандуулж буй аж.
Ажлын байнгын хорооны хурлын үеэр "Оюутолгойн барилгын ажилд нэн шаардлагатай бараа материал, үүний дотор гол түүхий эд дотоодын үйлдвэрийн цемент, арматур авч болох юм" гэдэг саналыг Эрдэс баялаг, эрчим хүчний сайд Д.Зоригт тавьсан. Оюутолгой компанийнхан энэхүү саналыг нааштай хүлээн авчээ. Тэд "Цемент, арматур төмөр нийлүүлэх боломжтой. Монголын аж ахуйн нэгж, компани, үйлдвэрлэгчдийн бүтээгдэхүүнийг судалж байна" гэсэн хариуг өгсөн байна.
Иймэос Оюутолгой компани эдгээр бүтээгдэхүүн, материалыг худалдан авах боломжийг судлах зорилгоор Барилга корпорацийн чанарын лабораторид "Эрэл" компанийн Дархан дахь салбар, Хөтөлийн цементийн үйлдвэр, "Налгар түшиг" зэрэг компанийи бүтээгдэхүүний чанар, стандар-тыг шинжилж байгаа юм.
Барилгынматериал үйлдвэрлэгчдийнхолбоо, "Налгартүшиг", "Портланд" зэрэг компанийн төлөөлөгчидтэй уулзаж, түүхий эд, материалын ханган нийлүүлэлтийн талаар санал солилцжээ. Мөн түүнчлэн тэд говийн бүсэд цементийн үйлдвэрлэл эрхэлж эхлэх гэж байгаа МАК компанийн төсөлтэй танилцсан байна. Засгийн газраас УИХ-ын гишүүн Ц.Гантөмөрөөр ахлуулсан Ажлын хэсгийг байгуулж, Оюу-толгой төслийн барилга, бүтээн байгуулалтад дотоодын үйлдвэрлэгчдээс нийлүүлж болох бараа материалыг мөн судалж эхэлжээ. Оюутолгой төслийнхөн дотоодод үйлдвэрлэж буй цементийн бүтээгдэхүүнээс дээж авч, ойрын үед туршилт хийж, барилгын ажилд шаардлагатай цементийн хангамжийн эх үүсвэрийг тодорхойлохоор болсон байна.
Г.ДАНГИНА