Нийслэлийн нэгдүгээр хорооллын Саппорогийн аюулгүйн тойрог ба гурвалжингийн гүүрийн их засварын бэлтгэл хангах ажил бямба гаригт эхэлнэ.

1989 онд том оврын ачааны тэргэнд зориулан барьсан уг гүүр 25 тоннын даацтай. Гүүрээр дамжин өнгөрөх автомашины хөдөлгөөнд энэ сарын 20-ноос хязгаарлалт хийх бөгөөд 3.5 тонноос дээш жинтэй тээврийн хэрэгслийг гүүрээр явуулахыг хориглох аж.

Мөн тус гүүрний урд болон хойно байрлах авто машины зогсоолуудыг нүүлгэн шилжүүлж, ойр орчных нь замын тэмдэглэгээг өөрчлөх юм байна. Харин гүүрийн их засварын ажил тавдугаар сарын нэгнээс эхлэх бөгөөд энэ үеэр гүүрийг бүрэн хаах юм.

Б.Энх