Иргэдийн амь насанд аюул учруулах хэмжээнд хvрчихээд байгаа хуучны, vеэ өнгөрөөсөн барилгуудыг эхнээс нь нураахаар болоод байгаа. Уг нь энэ ажил нэг талаасаа зөв зvйтэй алхам боловч vvнд төрийн байгууллагуудын оролцоо муу байгаагаас иргэдийн эрх ашгийг хохироож мэдэх луйврын шинжтэй vйлдэл болж хувирчээ. Тухайлбал 1947 онд ашиглалтад орсон, манай улсын анхны орон сууцнуудын нэг, ХХААХVЯ-ны эсрэг талд байрлах Баянзvрх дvvргийн 44 дvгээр байрыг МХЕГ-аас цаашид ашиглах боломжгvй гэсэн дvгнэлт гаргаж, аль 2001 онд акт тогтоожээ. Гэсэн ч тус байранд амьдардаг 44 өрх, нэгдvгээр давхарт vйлдвэрлэл, vйлчилгээ явуулдаг 15 аж ахуйн нэгж, байгууллага “Эндээс гарвал очих газаргvй” гэх шалтгаанаар байрнаасаа гаралгvй есөн жил болсон байна.
Байрнаасаа гарахгvй байгаа тэднийг гаргах зорилгоор холбогдох байгууллагууд өнгөрсөн оны есдvгээр сараас эхлэн халуун, хvйтэн усыг нь тасалж, бvр халаалт өгөхөө больжээ. Гэсэн ч зарим аж ахуйн нэгж, иргэд өвлийн эхэн cap гарчихаад байхад халаалт, усгvй байрандаа суусаар байсан аж. Харин өнгөрөгч 12 дугаар сарын хоёронд цахилгааныг нь тасалснаар арга буюу хvн амьдрах нөхцөлгvй болж, нэг ёсондоо оршин суугчид хvчээр хөөгджээ. Ингээд оршин суугчид болон аж ахуйн нэгжvvд өөр өөрсдийн зам мөрийг хөөж, ихэнх нь гэр хороолол бараадан арай л гадаа хоночихолгvй энд тэнд толгой хоргодох болсон байна. Энэ мэт аргаар байрыг суллаж чадсан ч тухайн байрыг хэн ч худалдаж авах нь өнөө хэр тодорхойгvй байгаа аж. Тус байр хотын А зэрэглэлийн бvсэд байрладаг учраас томоохон аж ахуйн нэгжvvд газрыг нь ашиглах сонирхол их байдаг гэнэ. Харамсалтай нь тохиролцоо хийлээ гэхэд найдвартай гэсэн баталгаа өгөх төрийн хяналт байдаггvйгээс худалдаж авах сонирхолтой компаниуд оршин суугчдыг луйврын аргаар залилан мэхлэх оролдлого хийж эцэстээ өнөөдөр тонуулчдын гарт өртөн ийм байдалд хvрч хууль хяналтынхан ч хvчин мөхөсдөж байна.
Монголын нэг өдөр