Дулааны шугам сүлжээний газраас нийслэл хотын орон сууцны айлуудын хэрэглээний халуун усыг хэсэгчилсэн байдлаар хаахаар болжээ. Жил бүр хийгддэг энэхүү ажил нь дулааны шугам, сүлжээг засах сэлбэх, өвөлд бэлтгэх эд зориулагддаг билээ. Өнөө жилийн хэрэглээний халуун ус хаах ажлыг энэ сарын 15-наас эхлүүлж, ирэх есдүгээр сарын 2-нд дуусгахаар төлөвлөж байсан боловч зам засварын ажлаас шалтгаалан хараахан бүрэн эхлээгүй бөгөөд өчигдрөөс эхлэн эхний ээлжийн хэсгүүдийн хэрэглээний халуун усыг хаахаар болжээ. Гурван сарын турш үргэлжлэх уг ажлын ирэх сарын 28-ыг хүртэлх ус хязгаарлах хэсгүүдийг танилцуулъя. 

 

Эхний ээжлид нийслэлийн баруун хэсэг буюу Таван шар, XXI хороолол, Ханын материал, I, X хороолол болон 25 дугаар эмийн сангаас баруун тийшхи байрнуудыг усыг ирэх сарын 5-ны өдөр хүртэл хаах аж.

 

Харин дараагийн ээлжид ирэх сарын 5-наас 19-ны хооронд их, бага тойрог буюу баруун дөрвөн замаас 13 дугаар хороолол хүртлэх хотын төв хэсгийн ус тасарна. Үүнд, Баянбүрдийн тойрог, 100 айл, Засгийн газар тойрсон байрнуудын халуун усыг хаах юм байна.

 

Дараагийн хэсэг буюу зургадугаар сарын 14-28-ны хооронд гурав, дөрөвдүгээр хороолол, төмөр замын айлууд 14 хоногийн турш халуун усгүй байх нь.

 

Өдрийн сонин