Өмнөх оны мөн үеийнхтэй  харьцуулахад эх орны үйлдвэрийн хөнгөн бетоны үнэ өнгөрсөн  сард 3.6 хувь, шалны ховилгүй банзных 12.5 хувь,  хуурай палкных 24.1 хувиар тус тус өсчээ.

Харин улаан тоосгоны үнэ 31.2 хувиар буурсан байна. ОХУ-д үйлдвэрлэсэн чулуутай хар цаасны үнэ 3.2 хувиар, БНХАУ-д үйлдвэрлэсэн цементний үнэ 7.1 хувиар буурсан  байх юм. 

 Төмөр хаалганых 3.8 хувь, дүүжин таазных 5.3 хувь, шалны плитаных 6.7 хувь, паркетан шалных 11.1 хувь, ханын цаасных 14.3 хувь, суурьгүй өдрийн гэрлийнх 20.0 хувь, шаазан угаагуурынх 31.0 хувь, суултуурынх 33.3 хувь, крантных 60.0 хувь, шохойных 66.7 хувиар тус тус өссөн байна.

Мөн ХБНГУ-д үйлдвэрлэсэн гадна эмульсийн үнэ 1.7 хувь, дотор эмульсийнх 2.2 хувиар тус тус өссөн дүн гарчээ.

 
  Өмнөх сарынхтай харьцуулахад эх орны үйлдвэрийн ховилгүй шалны банзны үнэ өнгөрсөн  сард 3.8 хувь, захалсан банзных 8.7 хувь, хуурай палкных 28.6 хувиар тус тус өссөн байна гэж Үндэсний статистикийн хорооноос мэдээллээ.