Нийслэлийн Засаг даргын захирамжаар Улаанбаатар хотын Ерөнхий менежерээр ахлуулсан ажлын хэсэг байгуулагдаж, энэ сарын 5-аас нийслэлийн нутаг дэвсгэрийн хэмжээнд сарын хугацаанд “Явган хvний зам” арга хэмжээг зохион байгуулж байгаа.

Энэхүү арга хэмжээний хvрээнд нийслэлийн гудамж талбайд явган хvний зам, гарцыг хаасан тэдгээрийн хөдөлгөөнд саад учруулахаар барьсан хашаа, хаалт өргөтгөл тvц, гаражийг чөлөөлж, тохижилтын ажлыг хийх аж. Эхний ээлжинд Нийслэл, дүүргийн Газрын албадаас нийтийн эзэмшлийн гудамж талбайн явган хvний зам гарц хөдөлгөөнийг хаасан обьектуудын судалгааг гарган, уг судалгааны дагуу газар чөлөөлөх ажил эхлээд байгаа аж.

Нийслэлийн Газрын албанаас  “Явган хvний зам” арга хэмжээг ЧД-ийн 1-р хороо буюу бидний хэлж заншснаар цэцэг төвөөс "Жи мобайл" руу орох замыг хааж барьсан өргөтгөлийг буулгахаас эхэллээ.

Цааш vргэлжлvvлэн БГД-ийн 13-р хорооллын 22-р байрны хооронд зам тулгаж барьсан төмөр тоосгон хашаа гараж, СБД-ийн 6-р хороо 4-р дэлгvvрийн хойд талд зөвшөөрөлгvй барьсан хашаа, манаачийн байр, БГД-17-хороо од кино театрын хажуудах 22-р сургуулийн зvvн талын модон хашаа контейнер, БГД-ийн 5-р хороо “Авзага трейд” ХХК-ийн явган хүний замруу барисан барилгын түр хашааг татуулж чөлөөлсөн газар дээр усан оргилуур барихаар зураг төслийг хийж байгаа аж.. Энэ аяны хvрээнд нийт 77 газрын 215 объектийг буулгахаар төлөвлөсөн байна.