Газар, барилга, хот байгуулалтын тухай хууль тогтоомжуудыг хэрэгжүүлж нийслэлийн хүн амын амьдрах таатай орчин, нөхцлийг бүрдүүлэх үүднээс нийслэлийн газар зохион байгуулалтын ерөнхий төлөвлөгөөг Улаанбаатар хотыг хөгжүүлэх ерөнхий төлөвлөгөөтэй уялдуулан газрын харилцаа, хот байгуулалт, төлөвлөлтийн үйл ажиллагааг сайжруулах зорилгоор хамтран ажиллах Санамж бичигт Улаанбаатар хотын ерөнхий архитектор бөгөөд нийслэлийн Барилга, хот байгуулалт, төлөвлөлтийн газрын дарга Э.Хүрэлбаатар, Улаанбаатар хотын газрын ерөнхий даамал бөгөөд нийслэлийн Газрын албаны дарга Ц.Сандуй гарын үсэг зурлаа.

Мөн  дээрх  газруудын Мэдээлэл технологийн хэлтсүүд Хот байгуулалт, газрын харилцааны салбарт чухал ач холбогдол бүхий газарзүйн мэдээлэл солилцооны тогтолцоонд ажиллахад үүсэх харилцааг зохицуулахаар хамтран ажиллах гэрээ байгууллаа.