Манай улсын барилгын салбарынхан барилгын материалаа ихэвчлэн ОХУ, БНХАУ, ХБНГУ, БНСУ зэрэг улсаас оруулж ирдэг. Барилгын салбарын үйл ажиллагаа эрчимтэй явагддаг зуны улиралд 16 материалын үнэ өссөн тоо байна. Жишээ нь, шалны ховилгүй банз 135 мянган төгрөг, хуурай палк 15x15 нь 18 мянган төгрөг болж өсчээ.

Харин БНХАУ-д үйлдвэрлэсэн цементний үнэ 500 төгрөгөөр буурч, зургаан мянга 500 төгрөг болсон байна. Төмөр хаалганы үнэ таван мянган төгрөгөөр нэмэгдэж, 135 мянган төгрөг болжээ. Дүүжин таазны үнэ нэг метр квадрат нь 200 төгрөгөөр нэмэгдэж дөрвөн мянган төгрөг, шалны плита 800 төгрөг, паркетан шалны үнэ нэг метр квадрат нь мянган төгрөгөөр нэмэгдэж 10 мянган төгрөг болсон байна.