Манай улсын хэмжээнд энэ онд шинээр 216 барилга ороод байгаа юм байна.

Улсын комисс хүлээн авсан эдгээр барилгуудын дотор орон сууцны барилга ихэнх хувийг нь эзэлж байгаа аж. Нийт 178 орон сууц, оффисийн зориулалттай барилга ашиглалтад орсноос орон нутагт 41, нийслэлд 137 нь байна.

Харин эрчим хүчний буюу цахилгаан дулааны дэд станц, шугам сүлжээний барилгын 34 ажлыг хүлээн авснаас Улаанбаатар хотод 14, хөдөө орон нутагт 20 байгаа юм.

Мөн шинээр барьсан дөрвөн зам, гүүр ашиглалтад оржээ. Эдгээр барилга байгууламжийн 19-ийг нь улсын төсвийн хөрөнгө оруулалтаар барьжээ.