ЗТБХБЯам, ГХБГЗЗГ, МБХ, МҮХАҮТ-ын Барилгын зөвлөл, “Барилга.МН” Барилгын Зөвлөгөө Мэдээллийн Төв хамтран уламжлалт “БАРИЛГА ОРОН СУУЦ 2010” барилгын үзэсгэлэн яармагийг 2010 оны 09 сарын 03-наас 06-ний өдрүүдэд Мишээл Экспо төвд зохион байгууллаа.

 

Энэ удаагийн үзэсгэлэн нь монгол улсад барилгын салбар үүсч хөгжсөний 84 жилийн ой, “Шинэ бүтээн байгуулалт хөтөлбөр” батлагдсан түүхэн цаг үетэй  “Барилга орон сууц - 2010” үзэсгэлэн давхцаж байгаагаараа онцлогтой юм.

 

Монголын барилгын салбарын шилдэг ААН, байгууллагуудыг оролцуулсан “БАРИЛГА ОРОН СУУЦ 2010” Олон улсын барилгын үзэсгэлэн яармагаар шинэ техник технологи, барилгын материал, шинэ орон сууцны талаарх мэдээллийг олон нийтэд хүргэлээ.

 

Жил бүр уламжлал болгон зохион байгуулдаг энэ үзэсгэлэнгээс хэрэглэгчид барилгын салбарын бүх төрлийн мэдээллийг төвлөрсөн цэгээс авах боломж олгодгоороо онцлогтой билээ. Тэр ч утгаараа бид монголын барилгын салбарын шилдгүүдийг нэг дор цогцлоож тэдний үйл ажиллагаа, бараа бүтээгдэхүүн, үйлчилгээг олон нийтдээ дэлгэн харууллаа.

 

Мөн ойн арга хэмжээний хүрээнд улс аймгийн цолтой 128 бөхийн барилдаан Монгол бөхийн өргөөнд 9 сарын 4-ны 16 цагаас болж цэргийн хурц арслан Ч.Санжаадамба иүрүүлж, улсын гарьд Н.Ганбаатар үзүүрлэлээ.

 

Жил бүрийн намар уламжлал болгон зохиогддог үзэсгэлэнгийн шилдгүүдийг үзэсгэлэнгийн хаалтын ажиллагааны үеэр долоон номинациар шалгарууллаа.

 

Шилдэг импортлогч- “Кнауф Гипс” ХХК

 

 

 

 

Шилдэг барилгын байгууллага- “Алтай констракшн” ХХК

 

 

Шилдэг шинэ технологи- “Глобал Прайм” ХХК

 

 

Шилдэг оролцогч – брэнд маркетер – “Номин стандарт” ХХК

 

 

Шилдэг үйлдвэрлэгч – “Эрэл” групп

 

 

Шилдэг шинэ орон сууц- “Баян Монгол” хороолол

 

 

МҮХАҮТанхимын Барилгын зөвлөлийн нэрэмжит шагналаар "Заг констракшн" ХХК

 

 

тус тус шалгарлаа.

 

 Үзэсгэлэнгийн ерөнхий ивээн тэтгэгчээр Баянмонгол хороолол, мэдээллийн ивээн тэтгэгчээр SBN телевиз, B  телевиз, SCH телевиз ажилалаа.