Чөлөөлөх дайны 65 жилийг угтаж 80 ахмад дайчинд өнөөдөр БХ-ын сайд Л.Болд болон ЗХЖШ-ын дарга дэслэгч генерал Ц.Бямбажав, төрийн нарийн бичгийн дарга хошууч генерал М.Борбаатар нар байрны түлхүүрийг нь гардуулан өглөө.

Чөлөөлөх дайнд 21 мянган эрс тулалдсан бөгөөд өдгөө 1500 гаруй нь амьд сэрүүн байна.

Энэ үеэр 180 ахмад дайчинд Чөлөөлөх дайны 65 жилийн ойн медаль, дурсгалын зүйлийг гардуулсан юм. Мөн 1945 оны эх орноо чөлөөлөх дайнаас сэдэвлэсэн баримтат киноны нээлтийг ахмад дайчдад үзүүлж сонирхууллаа.