Барилгын Зураг Төсөл Зохиогчдын Холбооноос 2010 оны 06 сарын 09 өдрөөс 14-ний хооронд “Сайхан хот, сайхан амьдрал” хэмээх уриатай дэлхийн 200 гаад орон оролцож буй “ЭКСПО-2010 Шанхай” дэлхийн үзэсгэлэнг үзэх аялалыг зохион байгууллаа. Аялалд “ Конконсалтинг” ХХК, “Өрх” ХХК, “BALDAN’S” ХХК, Эрдэнэт үйлдвэрийн Инженерийн Зураг Төслийн Хэлтэс, “Мон хидроконстракшн”ХХК, “Өрнөлпорект”ХХК, “БТ”ХХК-аас болон Барилгын Зураг Төсөл Зохиогчдын Холбооны ажилтан гээд нийт 17 хүний бүрэлдэхүүнтэй аялаад ирсэн байна.

 

Тус аялалын багийнхан аяллын эхний өдөр Шанхай хоттой танилцан хотын дундуур чимэглэн урсах Хуан Пү мөрнөөр сүлжилдэн зорчих усан онгоц , Шанхайн хөгжил цэцэглэлтийн төв болох Пүдү дүүргийн шугуйран боссон орчин үеийн барилга байгууламжуудыг мөрөн үзэж, дэлхийн худалдааны Shanghai World Financial Center буюу 101 давхар 492 м өндөр Дэлхийн худалдааны төвийн барилга 474 метрийн өндөрт орших цамхаг дээр гарчээ. Шанхай хотын төв талбай “Ардын талбай” –гаар аялж, Шанхайн №1 худалдааны гудамж болох алдарт Нан Жин лу гудамжаар shopping хийв.

 

 Аяллын хоёр дахь өдрөөс Шанхай, Сайхан хот, Сайхан амьдрал уриатай ЭКСПО-2010 үзэсгэлэнг хоёр өдөр үзэж сонирхов. Аяллын 4 өдөр Чөлөөт өдөр байсан бөгөөд 5 дахь өдрөө Бээжинд ирээд тэндээ нэг хонон 6 дахь өдөр Чингис хаан олон улсын нисэх онгочны буудалд бууснаас аялал өндөрлөсөн юм.