vБарилгын Дэвшилтэт Технологийн Төв нээлтээ хийлээ
Barilga
Байгуулагдсан цагаасаа Монгол улсын дэд бүтцийн салбарт орчин үеийн шинэлэг, дэвшилтэт техник технологи, ажил, үйлчилгээг нэвтрүүлэн ажиллаж ирсэн Монгол Польшийн хамтарсан “МонХорус Интернэшнл” ХХК үүсэн байгуулагдсаны 10 жилийн ойн баяраа угтан 8 дугаар сарын 27-ны билэгт сайн өдөр Барилгын Дэвшилтэт Технологийн Төв/БДТТ/-ийг ашиглалтанд орууллаа.
Барилгын Дэвшилтэт Технологийн Төв нь Барилгын салбарт орчин үеийн шинэлэг, дэвшилтэт техник технологи ажил-үйлчилгээг нэвтрүүлэхэд дэмжлэг үзүүлдэг, холбогдох ажил хэргийн уулзалт-зөвлөгөөн, үзэсгэлэн, сургалт, семинар явуулдаг, харилцан туршлагаа солилцдог, гэрээ хэлэлцээр байгуулдаг, салбарын ажиллагсдыг сургаж хөгжүүлэх зэргээр барилгын компаниудын хамтран ажиллах орчинг бүрдүүлсэн Төв байх юм.
БДТТ-ийн В1, 1, 2-р давхаруудад дэлхийн жишигт хүрсэн Монголын анхны барилгын материалын их дэлгүүр Ампер Хаус, 3, 4, 5-р давхаруудад барилгын болон зураг төслийн байгууллагуудын оффис, 6-р давхарт 150-200 хүний багтаамжтай иж бүрэн тоноглогдсон орчин үеийн хурлын танхим, 7-р давхарт 50-60 хүн хүлээн авах хүчин чадал бүхий ресторан байрлаж байна.