Зурвас бичих
Messenger
Залгах
- Barilga
- 2019-11-05
Өнөөдөр Барилгачдын баярт зориулсан хүчит 128 бөхийн барилдаан болно
Монгол улсад барилгын салбар үүсч хөгжсөний 84 жилийн ой, Монголын Барилгачдын Холбоо байгуулагдсаны 20 жилийн ойн баярт зориулсан улс аймгийн алдар цолтой хүчит 128 бөхийн барилдаан энэ сарын 4-д буюу өнөөдөр Монгол бөхийн өргөөнд болно.
Их бүтээн байгуулалтын үйлст хүч хөдөлмөрөө зориулан ирсэн ахмад барилгачид болон тэдний гэр бүлийнхэн, залгамж халаа үеийнхэндээ зориулж зохион байгуулагчдын зүгээс барьж буй бэлгийн нэг юм.
Хүчит бөхийн барилдаан өдрийн 15 цагт эхлэх бөгөөд энэ үеэр азтай үзэгчдийг шалгаруулж ивээн тэтгэгч байгууллагуудын гарын бэлгээр мялаах юм.
Эх орны их бүтээн байгуулалтын эздэд зориулсан бөхийн барилдааны ерөнхий ивээн тэтгэгчээр “Жигүүр гранд” групп, ерөнхий зохион байгуулагчаар Монголын Барилгачдын Холбоо, БЗМТөв ажиллаж байна.
Мэдээллийн ивээн тэтгэгчээр BTV, TV9 телевиз ажиллана. Билетийг Бөхийн өргөөний кассаар болон Монголын Барилгачдын Холбоо худалдаалж байна.
Мэдээллийн дэлгэрэнгүйг 7011-3333 утсаар аваарай.