Барилга байгууламжийн агааржуулалтыг ердийн ба механикжуулсан аргаар агаарын солилцоог хийдэг боловч энэ хоёр аргын ердийн агааржуулалтын ач холбогдлыг дутуу үнэлж хангалтгүй хийснээр агаарын солилцоо явагдах ямар ч боломжгүй болгодог дутагдалтай юм. Сүүлийн үеийн байдлаар авч үзвэл иргэний ба үйлдвэрлэлийн зориулалтаар барьж байгаа барилгад ердийн агааржуулалт орхигдсон зүйлийн нэг болсон гэхэд хэтрүүлэг болохгүй байх. Ихэнх барилгуудад  вакум цонх хийж байгаа нь сайшаалтай хэрэг мөн боловч манай эрс тэс уур амьсгалтай нөхцөлд бага хэмжээгээр сэрүүний улиралд онгойлгох боломжгүй цонхнууд хийгдэх боллоо. Энэ дутагдлыг арилгаж бага хэмжээгээр онгойлгох салхивч буюу порчик хийх нь хамгийн чухал асуудал юм. Ердийн агааржуулалтыг барилга угсралтын ажил явагдаж байх үед ямар нэгэн хөрөнгө, хүч ихээр зарцуулахгүйгээр гаргаж болох бүрэн боломжтойг ашиглахгүй байна. Энэ нь уг барилгыг ямар ч материалаар барилаа гэсэн суурь тавьж, хана өрж угсрахад зэрэг хийгдэх ажил гэдгийг мартаж болохгүй.  Зарим барилгад нүх сүваг гаргасан төдий харагдавч тэр нь барилгын угсралтын ажлын явцад сувгийн нүх бөглөрсөн байхад хайхрамжгүй хандаж түүнийг нүх суваг байна гэж бид өөсдийгөө хуурч сууна.