Нийслэлийн нутгийн захиргааны байгуулагууд Улаанбаатар хот үүсч байгуулагдсаны 371 жилийн ойг угтсан их ажлуудыг өрнүүлсээр байна. НБХБТГазар ойн баяраар цөөнгүй ажил төлөвлөж хийж хэрэгжүүлсний нэг нь Барилга, архитектурын чиглэлээр сурч буй оюутан залуусыг “Хот байгуулалтын үзэсгэлэн”-тэй танилцуулах ажил байлаа.

Улаанбаатар хотыг 2020 он хүртэл хөгжүүлэх ерөнхий төлөвлөгөөг хэрэгжүүлэх зорилгоор шинээр боловсруулсан хэсэгчилсэн ерөнхий төлөвлөгөөний зураг төсөл, Улс, нийслэлийн төсөв болон дотоод, гадаадын хувийн хэвшлийн хөрөнгө оруулалтаар хэрэгжүүлж буй хороолол хотхон, цаашид хийгдэхээр төлөвлөж буй авто зам, инженерийн шугам сүлжээний талаарх мэдээллийг сурталчллаа.

Шинжлэх Ухаан Технологийн Их Сургуулийн Архитектурийн 3, 4 дүгээр ангийн нийт 110 оюутан хамрагдаж “Хот байгуулалтын үзэсгэлэн”-г үзэж сонирхсон. Ирээдүйн архитекторуудад НБХБТГ-ын дулааны инженер Б.Цэрэнбалжид, дүүрэг хариуцсан архитектор О.Одбаяр нар хөтөчлөлөө.