Аалзны шүлс шиг хэрсэн кабелиудыг буулгаж байна
Barilga
2019-11-05
Энхтайвны өргөн чөлөө аалзны тор шиг хэрсэн кабель утсуудаас салж эхэллээ. Улаанбаатар хотод байгаа гэрлийн шон дагасан кабелийн утсууд хаа сайгүй сүлжилдэн нийслэлийн өнгө зүс, цаашлаад бүтээн байгуулалтад саад учруулж байсан нь ард хоцрох нь.
“Гэрлийн шон дагасан энэ кабелиудыг бүгдийг нь буулгах төлөвлөгөөтэй. Эхний ээлжинд Энхтайвны өргөн чөлөөг чөлөөлж байгаа. Төв шуудангаас УИД хүртэлх кабелиудыг буулгасан. Одоо УИД-ээс баруун 4 зам хүртэл чөлөөлнө. Замын хойд талаас энэ ажил эхэлсэн. Буулгасан кабелиудыг сувган системд шилжүүлж газар доогуур оруулах юм. Дараа жилээс шат дараатай ажил ундарна.
Ер нь кабель татах зөвшөөрөл нэмж олгохгүй байх бодлого хотын зүгээс баримталж ажиллана” хэмээн Улаанбаатар хотын Ерөнхий менежер Ч.Бат хэллээ.
Нийслэлийн Мэдээллийн технологийн газрын дарга Ш.Гантөмөр “Кабелийн шугам эзэмшдэг компани, хувь хүмүүстэй хэд хэдэн удаа уулзаж, буулгах болсон талаар ярилцсан. Шонгууд ачааллаа даахгүй тахийсан байгаа. Энэ удаагийн ажлаар эдгээр кабелийг бөгжилнө. Хүний нүдэнд харагдах талаасаа ч цэвэрхэн” гэлээ.
Нийслэлийн Мэдээллийн технологийн газрын дарга Ш.Гантөмөр “Кабелийн шугам эзэмшдэг компани, хувь хүмүүстэй хэд хэдэн удаа уулзаж, буулгах болсон талаар ярилцсан. Шонгууд ачааллаа даахгүй тахийсан байгаа. Энэ удаагийн ажлаар эдгээр кабелийг бөгжилнө. Хүний нүдэнд харагдах талаасаа ч цэвэрхэн” гэлээ.