Дүүргийн 45 жилийн ой угтсан ажлын хүрээнд гадна дотны зочид төлөөлөгчид зорчин өнгөрдөг Чингисийн өргөн чөлөөний тохижилтыг их бүрнээр шийдэх зорилгоор ажлын төсөв, зураг гаргуулан, дүүргийн ИТХ-аас энэ тохижилтонд шаардагдах 554,0 сая төгрөгний төсвийг шийдвэрлэсний дагуу Чингисийн өргөн чөлөөний иж бүрэн тохижилтын ажлыг дүүргийн ТҮК гэрээгээр гүйцэтгэж дууслаа.

Тус тохижилтоор ЧӨЧ-ний тоосгон хашлага 2492 у/м, шөнийн гэрэлтүүлэг-2500м, сүүдрэвч-20ш, явган хүний алаг хавтан зам, сандал-40, хогын сав 40 ширхэгийг тус тус шинээр хийж, 160 ширхэг гэрлийн шонг будаж, 1200 у/м ширмэн хайсыг шилжүүлэн байршуулах, 10900 м2 талбайг нөхөн зүлэгжүүлэх,69000 ширхэг цэцгийн үрслүүр суулгах ажлыг зохион байгуулан ажиллалаа.

Дээрх тохижилтын ажилд дүүргийн төсвөөс 554,0 гаруй сая төгрөг зарцуулагдсан бөгөөд, дүүргийн ой угтсан ажлыг нэг томоохон бүтээн байгуулалтын ажил болоод байна. Өнөөдөр тус өргөн чөлөөний иж бүрэн тохижилтын ажлыг хүлээж авах ёслолын ажиллагаа боллоо. Тус арга хэмжээнд дүүргийн ИТХ-ын дарга Н.Энхтүвшин, Засаг дарга Ж.Ганхуяг, Засаг даргын орлогч Л.Үнэнбат, Тохижилт үйлчилгээний компанийн удирдлагууд, ажилтангууд оролцлоо. Цаашид уг өргөн чөлөөний тохижилтын ажлыг арчлалт хамгаалалтыг дүүргийн ТҮКомпани хариуцах ба арчлах хамгаалах ажлыг дүүрэг тухайн өргөн чөлөө дагуух аж ахуйн нэгж байгууллагуудад анхааралаа хандуулан ажиллахыг даалгаж байгаа юм байна.