Зурвас бичих
Messenger
Залгах
- Barilga
- 2019-11-05
Хотын ерөнхий төлөвлөгөөндөө тодотгол хийнэ
Нийслэлийн барилга хот байгуулалт, төлөлвөлтийн газраас Улаанбаатар хотын Ерөнхий төлөвлөлөгөөнд тодотгол хийж эхэлсэн тухай тус газрын дарга Э.Хүрэлбаатар өнөөдөр болсон “Хотын хөгжил-хамтын ажиллагаа” зөвлөлгөөн дээр хэлсэн үгэндээ онцоллоо.
Улаанбаатар хотын хот байгуулалтын хөгжил 5 ерөнхий төлөвлөгөөний дагуу өрнөж ирсэн бөгөөд өнөөдөр мөрдөж буй Ерөнхий төлөвлөгөө нь сайн төлөвлөлттэй, хотжилтын дүр зургийг тодорхойлж, байгаль экологийн тэнцвэрт байдлыг хамгаалах зүй зохистой төлөвлөлтийн шийдлийг тусгасан гэж мэргэжилтнүүд үнэлдэг.
Одоогоор Ерөнхий төлөвлөгөөнд тодотгол хийх ажлын хэсгийн бүрэлдэхүүн болон мэргэжлийн арга зүйн зөвлөгөмжөөр хангах Зөвлөх багийн бүрэлдэхүүнийг холбогдох газруудаар батлуулан шийдвэрлүүлжээ. Ерөнхий төлөвлөгөөний тодотголыг ирэх онд Засгийн газарт танилцуулж, УИХ-д өргөн барих юм. 2005 оноос хойш 50 шахам хөгжлийн төлөвлөгөө боловсруулж, тэдгээрээс 31 нь НИТХ-аар хэлэлцэгдэн батлагдаж, улмаар төлөвлөлтийн шийдлийг хэрэгжүүлэхэд шаардагдах инженерийн дэд бүтэц, шугам сүлжээг улс, нийслэлийн төсвийн хөрөнгө оруулалтаар шинээр барих, өргөтгөх, шинэчлэх ажил хийгдэж байна.
Шинэ барилга бүр орчиндоо усан оргилууртай байна
Шинэ барилга бүрийг орчиндоо заавал усан оргилууртай, эсхүл дотроо усан хөшигтэй байхаар зураг төслийг нь баталдаг болно. Улаанбаатарт хаана ямар барилга, хороолол сүндэрлэх бодлогыг зангидаж буй Нийслэлийн Барилга хот байгуулалт, төлөвлөлтийн газраас Нийслэлийн Засаг даргын өгсөн зохиомол чийгшүүлэлттэй орчин бүрдүүлэхэд ахиц гаргах даалгаварыг биелүүлэх үүднээс ийм шийдвэр гаргаж, хэрэгжүүлж эхлээд байна. Чийгшилтэй орчин бүрдүүлэхийн тулд үерийн болон хөрсний гадаргуугийн усыг дахин ашиглах төсөл боловсруулж байгаа бөгөөд хотын баруун хэсэгт усан оргилуур, усан хөшгийг хөрсний усаар ажиллуулдаг болох гэнэ.