Зурвас бичих
Messenger
Залгах
- Barilga
- 2019-11-05
Баруун бүсийн нийтийн аж ахуйн байгууллагуудын удирдах ажилтны онлайн-видео зөвлөгөөн боллоо
2010.09.29-ны өдөр Баян-Өлгий, Ховд, Говь-Алтай, Завхан, Увс аймгуудын Газрын харилцаа, барилга хот байгуулалтын албатай хамтран Баруун бүсийн аймгуудын Орон нутгийн захиргаа, Нийтийн аж ахуйн байгууллага, Сууц өмчлөгчдийн холбооны удирдах ажилтан, ажилтны семинарыг “Нийтийн аж ахуйн байгууллагуудыг мэдээллээр хангах, үйл ажиллагаанд дэмжлэг үзүүлэх” сэдвийн дор онлайн-видео хэлбэрээр Боловсрол, соёл, шинжлэх ухааны яам, Шинжлэх, ухаан технологийн их сургуулийн Холбоо, мэдээллийн технологийн сургуулийн Алсын зайн сургалтын төв дээр зохион байгууллаа.
Уг семинарт Газрын харилцаа, барилга, геодези, зураг зүйн газрын даргын үүрэг гүйцэтгэгч, дэд дарга Б.Баярсайхан, тус газрын Барилга, нийтийн аж ахуйн албаны дарга Д.Гантулга, Орон сууц, нийтийн аж ахуйн хэлтсийн дарга Ө.Цэдэндамба, тус хэлтсийн мэргэжилтнүүд, Зам, тээвэр, барилга, хот байгуулалтын яамны БОСНААБГазрын мэргэжилтэн Б.Оюунчимэг, Монголын сууц өмчлөгчдийн холбоодын дээд зөвлөлийн ерөнхийлөгч Б.Жигжид, аймгуудын Засаг даргын тамгын газрын Хөгжлийн бодлогын хэлтсийн дарга, мэргэжилтнүүд, Газрын харилцаа, барилга хот байгуулалтын газрын дарга, холбогдох мэргэжилтнүүд, нийтийн аж ахуйн байгууллагуудын захирал, ерөнхий инженер, тухайн орон нутагт үйл ажиллагаа явуулж байгаа Сууц өмчлөгчдийн холбоодын захирлууд оролцлоо.
Энэхүү семинарын зорилго нь салбарын байгууллагуудыг цаг үеийн ажлын талаарх мэдээ мэдээллээр хангах, шинээр болон шинэчлэн боловсрогдож байгаа хууль, эрх зүйн баримт бичгүүдийн төслийг хэлэлцүүлэх, санал солилцох, салбарын байгууллагуудын үйл ажиллагаанд дэмжлэг туслалцаа үзүүлэх, урьдчилан хүргүүлсэн зарим эрх зүйн баримт бичгийн төсөлд тусгагдсан асуудлаар асууж тодруулах, санал солилцох явдал байлаа.
Семинарын үеэр хөндөгдсөн хүндрэл бэрхшээлтэй асуудлуудыг шийдвэрлэх зорилгоор зөвлөгөөнд оролцсон байгууллагуудтай хамтран хэрэгжүүлэх ажлын төлөвлөгөө гаргаж, ажиллахаар шийдвэрлэв
Орон сууц, нийтийн аж ахуйн хэлтэс