Саяхан Монгол Улсын Их Хурлаас улс орны хөгжлийн бүтээн байгуулалтыг өрнүүлж , хот төлөвлөлт, инженерийн дэд бүтэц, авто замын сүлжээг олон улсын жишигт хүргэх “Шинэ бүтээн байгуулалт” хөтөлбөрийг баталж гаргалаа.

Энэ хөтөлбөрийн хүрээнд 2010-2016 онд “100 мянган айлын орон сууц” төслийн хүрээнд Улаанбаатар хотын батлагдсан хэсэгчилсэн ерөнхий төлөвлөгөөний дагуу 35 байршилд 80 мянгаас доошгүй айлын орон сууцны цогцолбор хорооллыг эмнэлэг, сургууль, цэцэрлэг, үйлчилгээний болон мэргэжлийн сургалт-үйлдвэрлэлийн төв, спорт цогцолбор, бие даасан болон төвлөрсөн эх үүсвэртэй инженер дэд бүтэц, ногоон байгууламжийн хамтаар барих зорилт тавьжээ.

 

Энэ томоохон зорилтыг ханган биелүүлэх үйлсэд оролцох  зураг төсөл зохиогч бидний өмнө үүрэг хариуцлагаа улам дээшлүүлж, удирдлага зохион  байгуулалтаа сайжруулан инженер техникийн ажилтнуудыг чадваржуулан бэхжүүлэх, шинэ техник, технологи нэвтрүүлэн чанар, үр ашгийг нэмэгдүүлж эрчимтэй, дайчин, шуурхай ажиллах шаардлага зүй ёсоор тавигдаж байна.

 

Өнөөдрийн байдлаар барилгын зураг төслийн салбарт тусгай зөвшөөрөлтэй 200 гаруй компаниуд байгаа боловч мэргэжлийн боловсон хүчин нь олон компаниудад хуваагдан хүч нь тарамдаж зураг төслийн томоохон төслийг бие даан иж бүрнээр нь хариуцан гүйцэтгэх чадвартай томоохон зураг төслийн компаниуд хараахан байхгүй шахам байна.

 

“Шинэ бүтээн байгуулалт” хөтөлбөрийн хүрээнд хот төлөвлөлт, орон сууцны хорооллууд барихаар дэвшүүлсэн зорилтыг ханган биелүүлэхийн тулд зураг төсөл боловсруулдаг үндэсний компаниуд хөрөнгө хүч, үйл ажиллагаагаараа хоршин нэгдэж үндэсний томоохон нэгдэл, корпораци, консорциум болон ажиллахыг та бүгдээс уриалж байна.

 

 

 

Барилгын Зураг Төсөл Зохиогчдын Холбооны дэргэд ажиллуулах Мэргэжлийн зөвлөлийн дүрмийг шинэчлэн боловсруулан дуусаад байна.

 

Мэргэжлийн зөвлөлийн бүрэлдэхүүн, гишүүдийг шинэчлэн ажиллуулах шаардлага байгаа тул танай компаниас мэргэжлийн зөвлөлийн гишүүдэд нэр дэвшүүлэх зөвлөх болон мэргэшсэн инженерүүдийн Нэрс ажлын туршлагын жагсаалтын хамт 2010 оны 10 сарын 15-ны дотор тус Холбоонд ирүүлнэ үү.мэргэжлийн зөвлөлийн гишүүдэд нэр дэвшүүлэх зөвлөх болон мэргэшсэн инженерүүдийн Нэрс ажлын туршлагын жагсаалтын хамт 2010 оны 10 сарын 15-ны дотор тус Холбоонд ирүүлнэ үү.

 

Ажлын жагсаалтад тухайн инжерерийн ажлын туршлага, ажилласан жил, зөвлөх болон мэргэшсэн инженерээр ажилласан хугацаа мөн мэргэжлийн дагналт ба хоршилтын талаарх мэдээллийг ирүүлэх хэрэгтэй байна.