Хүний өсөн нэмэгдэж буй үйп ажиплагаа, дэлхийн хун амын болон эрчим хүчний хэрэглээний өсөлт зэрэг нь дэлхийн цаг уурын дулаарлын гол шалтгаан болсон хүлэмжийн хийн нөлөөллийг ихэсгэж байгаа билээ. Иймээс энэ нөлөөлпийг ихэсгэхэд гол үүрэг гүйцэтгэн нүүрс, мод зэрэг үнэт баялагийг шатаахад ялгарч буй нүүрс хүчлийн давхар ислийг/СО/ багасгах нь туйлын чухал болж байна.
Орон сууцанд тав тухтай  амьдрах нөхцлийг эрчим хүчний хангамжгүйгээр төсөөлөхийн аргагүй. Халаалт, халуун ус, төрөл бүрийн цахилгаан төхөөрөмж нь өнөө үед ердийн хэрэглээ болжээ. Гэтэл эрчим хүч жил ирэх тутам үнэтэй болж нөөц нь хомсдож байгаагаас түүнийг ухаалаг, ариг гамтай зарцуулах шаардлагатай болж байна. Иймд орон сууцанд ая тухтай байх нөхцлийг дээшлүүлэн, барилгын дулаан тусгаарлалт, халаалтын системийг сайжруулан, эрчим хүчний зарцуулалтыг багасгах нь олон талын ашигтэй.
Үүнийг багасгахад дараах хоёр арга хэмжээ чухал нөлөө үзүүлэх болно:
•     Барилгад дулааны алдагдлыг бууруулах, эрчим хүчийг хэмнэх, үр ашигтай зарцуулах,
•    Эрчим хүчийг гаргаж авахад нөхөн сэргээгдэх эх үүсвэрүүдийг ашиглах (нар, салхи, усны эрчим хүч гэх мэт)
Эдгээр нь харилцан уялдаатай, олон талаас нь авч үзэх асуудлууд бөгөөд энэхүү зөвлөгөө буланд зөвхөн эхний арга хэмжээтэй холбоотой зүйлүүдийг танд хүргэхийг зорьсон юм.
Барилгын дулааны алдагдлыг багасгах нь түлшний зарцуулалт, хот суурин гззрын агаарын бохирдлыг бууруулахаас гадна, айл өрхийн төсвийг хэмнэх, тав тухтай амьдрах нөхцлийг дээшлүүлэхэд эерэгээр нөлөөлнө.
Судалгаагаар орон сууцанд хэрэглэж буй эрчим хүчний хэрэглээний 70 гаруй хувийг зөвхөн орон байрыг халаахад зарцуулж байгааг тогтоосон ба өрхийн төсвийн ихээхэн хэсэг үүнд зарцуулагддаг ажээ. Улс орны хэмжээгээр авч үзэх юм бол асар их хөрөнгө.
Одоогийн байдлаар түлшинд хэрэглэж байгаа мод, нүүрсний зуухны ашигт үйлийн коэффициент дөнгөж 40%-тай байгааг судлаачид тогтоожээ. Тэгэхлээр 60% нь ямарч ашиггүй үрэгдэж байна гэсэн үг. Түүнээс гарсан утаа, үнс хот суурин газрыг бүрхэж байгаль орчныг буртаглаж, та бидний эрүүл мэндийг хөнөөж байна.
Нөгөөтэйгүүр бидний дийлэнх маань өдөр тутмын амьдралын хэрэгцээнд хэдэн төгрөгөөхэмнэж ядан, хамгийн хямд, чанарын баталгаагүй зүйлийгхэрэглэдэг хирнээ олсон хэдийнхээ чамгүй хэсгийг үр ашиггүй шатаагаад дуусгадаг. Үүнийгээ юман чинээ боддоггүй. "Олохоосоо хэмнэх нь чухал " гэж олон ухаантнууд сургадаг. Үүнийг ухаалаг хэрэглээ гэнэ. Ухаалаг хэрэглээнд суралцах нь яах аргагүй эрчим хүчийг хэмнэх нэг үндэс суурь болох учиртай.
Барилгад эрчим хүчний хэрэглээг бууруулах, дулааны эрчим хүчийг ихээхэн хэмнэж болох нэг гол салбар бол орон сууцны салбар юм. Барилгын дулааны алдагдал дулааны эрчим хүчний хангамжаар нөхөгдөж байдаг. Иймээс гол асуудал барилгын дулааны алдагдлыг багасган, тэр хэмжээгээр эрчим хүчний хэрэглээг бууруулж хэмнэлт гаргахад оршино. Эрчим хүчийг хэмнэх олон аргуудаас барилгын хашлага бүтээцийг (гадна хана, цонх, дээвэр г.м.) дулаалснаар дулааны эрчим хүч буюу халаалтанд зарцуулж буй түлшийг хамгийн ихээр хэмнэх боломжтой. Үүнд барилгын зураг төсөл боловсруулагч архитектор, инженерүүд эрчим хүчний хэмнэлт, байгаль орчныг хамгаалах асуудлаар тодорхой мэдлэгтэй болж, барилгын захиалагч буюу иргэдэд энэ ажлын ашиг тусыг ойлгуулахад тодорхой хувь нэмэр оруулах учиртай.
Нүүрсний үнэ харьцангүй хямд, улсаас халаалтын үнэ тарифыг тогтоодог уламжлал байсны улмаас эрчим хүч хэмнэх, барилгыг дулааны апдагдал багатай барихад төдийлэн анхаарч байсангүй. Иймд Монголд барьсан ихэнх барилгууд өвлийн улиралд дулаанаа их хэмжээгээр алдаж, үлэмж үргүй зардал гаргаж байна. Өнөөдөр хувийн орон сууцны барилгын дийлэнхийг газар эзэмшигч хувь хүмүүс, эсвэл барилгын жижиг компаниуд голдуу зураг төсөвгүйгээр барьдаг. Тэдгээрийн технологийн мэдлэг чадвар, санхүүгийн нөөц хязгаарлагдмал байгаагийн улмаас барисан орон сууцны барилгуудын ихэнх нь чанар муутайгаас гадна дулаан тусгаарлалт, түлш хэмнэх тал дээр нилээд учир дутагдалтай байна.
Тулгамдсан эдгээр асуудлуудыг шийдвэрлэхийн тулд барилгын дулаан алдагдлыг багасгах, эрчим хүчийг хэмнэх тухай Монгол УлсынЗасгийн газрын 1995 оны б7-р тогтоол, ДБХЯ-ны барилга байгууламжийн дулаан алдалтыг багасгах талаар авах зарим арга хэмжээний тухай 1997 оны 87 тооттушаал гарсны дагуу "Барилгын дулаан техник"-ийн нормд нэмэлт өөрчлөлт оруулж, шинээр барилга барих болон засварын ажилд мөрдүүлэхээр заасан байна.