Монголын Барилгын Инженерүүдийн Холбооны ээлжит уулзалт семинар “Барилгын менежмент ба олон улсын туршлага” сэдвийн дор эхэллээ. Монгол, Тайваны Барилгын Инженерүүдийн Холбоодын хамтарсан уг семинарт “Тайваны хурдны төмөр замын барилгын төслийн менежмент” сэдвээр Тайваны Үндэсний Их Сургуулийн багш профессор Лу Маан Чан, “Монголын Барилгын салбарт хэрэгжиж буй менежментийн дүр төрх, түүнд тавьж буй санал” сэдвээр Японы Барилгын Инженерүүдийн холбооны гишүүн, Японы нэгдүгээр зэргийн архитектор Шимазаки Ясуёши нар илтгэл тавьлаа.

 

Мөн уг уулзалт семинарын арга хэмжээний хүрээнд өнөөдөр Засгийн Газраас 2010 оныг “Бизнесийн орчны шинэтгэлийн жил” болгон зарласаны дагуу “Барилгын салбарын бизнесийн орчны шинэтгэл”сэдэвт олон улсын дугуй ширээний ярилцлага болон  “Монгол улсын Бүтээц төсөллөлтийн нормыг хөгжүүлэх” хамтарсан семинар МҮХАҮТанхимын Хурлын зааланд болно. Уулзалт семинарын үеэр Солонгос, Тайвань, Монголын илтгэлүүд тавигдана.