Өчигдөр ХЗХ-ны хохирогчид, Ми-8-ын хэрэг, Хонгор сумын иргэд, "Вако" орон сууц захиалагчид, "Сапу", "7 дугаар сарын 1"-ний хэргийн хохирогчид нэгдэж "Хохирогчдын нэгдсэн холбоо" байгуулж Ерөнхийлөгчид шаардлага хүргүүллээ.

 

Тус шаардлагандаа "Хонгор сумын иргэдийн эрүүл мэнд, амь нас, тогтвор суурьшилтай амьдрах орчин нөхцлийг бүрдүүлэх, амь нас, эрүүл мэндээрээ хохирсон иргэдэд нөхөн олговор олгох. 30 ХЗХ-ний үлдсэн 33 тэрбумын хохирлыг хүү, алдангитай нь тооцож, яаралттай бүрэн барагдуулах. Мөн 7 дугаар сарын 1-нд төрийн буруутай үйл ажиллагаанаас болж хэлмэгдэж ял авсан иргэдийг цагаатгах, хохирлыг барагдуулж, нөхөн олговор олгох, ноцтой байдал үүсэхэд хүргэсэн албан тушаалтануудад хариуцлага тооц. Эрүүгийн хуулийн тусгай анги 272-р зүйлийг тухайн үед санаатайгаар арга болгосон албан тушаалтанд хариулага тооцох. Хааны зам Вако болон "Эмүжин" ХХК-ийн буруутай үйл ажиллагаанаас болж хохирсон хохирогчдын хохирлыг бүрэн барагдуулах"-ыг дурджээ.

 

Тус холбооны гишүүн Х.Оюунцэцэг хэлэхдээ "шаардлагын хариуг энэ сарын 28-нд биечлэн уулзаж авна. Хэрвээ шаардлагыг хүлээж авахгүй бол 29-ны өдрөөс эхлэн талбай дээр ард иргэдийн дунд санал асуулга явуулж, нэгдсэн зохион байгуулалтанд орж тэмцэнэ" гэлээ. Тэд энэ үеэр эрх, эрх чөлөө нь зөрчигдсөн бүх иргэдийг нэгдэж хамтран тэмцэхийг уриаллаа.