I амаржих газрын барилгын их засварын ажил бvрэн дуусч, єнгєрсєн баасан гаригаас эхлэн тєрєх эхчvvдээ хvлээн авлаа. Будаг нь ханхалсан эмнэлэг vvдээ дєнгєж нээгээд байхад нь Ерєнхий сайд С.Батболд, Эрvvл мэндийн сайд С.Ламбаа, Нийслэлийн Засаг даргын орлогч Ц.Цогзолмаа болон бусад албаныхан зочилсон юм. Энэ vеэр Эрvvл мэндийн сайд С.Ламбаатай ярилцлаа.

 

-400 хvн ажиллаж сар гаруй хугацаанд I амаржих газрыг бvрэн засч дууслаа. Эмнэлгийн барилга товлосон хугацаандаа ашиглалтад орж vvдээ нээж байгаа юм. Засварын дараа авсан шинжилгээний хариу сайн гарсан учир єнєєдрєєс /баасан гаригт/ тєрєх эхчvvдээ хvлээн авч эхэллээ. Миний хувьд амаржих газрын барилга стандартад нийцэхvйц болсон гэж дvгнэж байна. Наад зах нь бvх хаалга бариулгvй, тvлхэж онгойдог болсон. Энэ бол эмнэлгийн стандарт. Ємнє нь I амаржих газрын сантехник нь энэ хавийн барилгуудтай холбоотой байсан бол засвар хийснээр бvгдийг нь тусгаарласан.

Нярайн халдвар ч дотроосоо биш доороосоо /сантехникээс/ болж гарсан юм шvv дээ.

 

-Їгvй. I амаржих газрын харьяа амаржих гэж байгаа эхчvvд эндээ ирж амаржина. Харин ємнє нь “Ачтан” болон бусад эмнэлэгт очиж хэвтсэн эхчvvд тухайн эмнэлэгтээ амаржаад гарах юм. Амаржих газар vvдээ нээгээд таван цаг болж байгаа ч 21 эх хvлээж авсан. Одоогоор дєрвєн эх амаржжээ. /Баасан гаригт/ Ердєє таван цагийн дотор 21 эх ирсэн гэдэг нь тєрєлт их байгааг харуулж байна.

 

-Амаржих газрыг жилд нэг удаа хааж, сарын хугацаанд ариутгал хийж байх ёстой. Ємнє нь, тєрєлт олон эмнэлгvvд ачаалал ихтэй байсан болохоор vvнийг хийх боломжгvй байсан. Одоо харин шийдвэрлэхээр боллоо. I амаржих газрын ард байрлах баганат танхимыг нурааж, оронд нь найман давхар барилга барих асуудлыг шийдэж байна. Энэ баганат танхимд vйл ажиллагаа явуулдаг байсан 23 хувийн эмнэлгийг гаргасан. Хэрэв 250 ортой найман давхар барилга баригдвал сэлгэх боломжтой болно гэсэн vг. Єєрєєр хэлбэл, амаржих газрыг тэр байранд шилжvvлээд энд нь ариутгал хийж, энд шилжvvлээд тэнд нь ариутгал хийгээд байх боломжтой болно гэсэн vг.

 

-”Бороо гоулд” компанитай концепцийн гэрээ байгуулаад бариулж болох юм гэсэн санааг Засгийн газрын тэргvvнд дуулгасан. Ер нь, хєрєнгийг тєсєвт суулгахгvйгээр дотоодынхоо хєрєнгєтэй компаниар бариулах нь зєв. Эрvvл мэндийн сайдын багцаас 500 сая тєгрєг гаргаж, эхний ээлжинд зургаа гаргаж, сууриа тавъя гэж байгаа.

 

-IV амаржих газар барих хэрэгтэй. Гэхдээ Яармагт барина гэдгийг би хувьдаа дэмжихгvй байгаа. Наад зах нь, авто зам нь нэг урсгалтай яаралтай тусламжийн машин явахад хvндрэлтэй. Замын бєглєє, тvгжээнээс болж, эх машиндаа амаржих зэрэг асуудал гарч болно шvv дээ. Яармагийн гvvр дєнгєж даваад 30 мянган айлын хороолол баригдах юм. Тэр хороолол дунд IV амаржих газар баривал зvгээр гэсэн саналыг Засгийн газарт тавьсан. Тєсвийн тодотгол батлагдчихвал IV амаржих газар барьж эхэлнэ.

 

-III амаржих газрын байрыг актлаад шинээр барилга барих тєлєвлєгєєтэй байгаа. Барилга нь ч зориулалтынх биш. Єнєєдєр III амаржих газар 45 ортой ч 80 гаруй эх хvлээн авч байна. Тиймээс 100 ортой зориулалтын эмнэлэг шинээр барих тєлєвлєгєє бий.

 

 

Ардчилал