Японы дизайнер Сакура Адачи (Sakura Adachi) сонирхолтой загвар бүхий номын иж бүрдэл тавиур бүтээжээ. Ном хайгаад цааш нааш хэрж байхын оронд тухтай гэгч нь суугаад гар чөлөөтэй хүрч болох газраас номоо аваад уншиж суувал ямар вэ.
Энэ санааг нилээдгүй судалгаа хийж байж сэдсэн ажээ. Үргэлжид стресст автахаараа амралтын хэсэгхэн хоромоо хүн төрөлх зөнгөөрөө амар тайван, гадаад ертөнцөөс тусгаарлагдмал өнгөрөөхийг эрмэлздэг болохыг ажигласан бөгөөд үүнд нь туслахаар Сакура Адачи амар амгалангийн “арал”-ыг бий болгосон нь тус номын тавиур гэнэ.
Уг тавиурын 2 талд ном өрөх учраас хананд түшүүлэх бус, харин өрөөний зайг хязгаарлах байдлаар, ер нь тэгш газар бол хаана ч байрлуулж болохоор хийсэн аж. 2430Ч1470Ч600 миллиметрийн хэмжээтэй иж бүрдэл тавиурыг Cave буюу “Агуй” хэмээн нэрлэжээ. Мөн хүүхдэд Kids гэсэн иж бүрдлийг гаргасан бөгөөд “Агуй”-г худалдан авахын тулд 5 250 евро төлнө.