1936 онд Америкийн Пенсильвани мужийн нутагт, нэгэн ойн булан дахь горхины хадлаг эрэг дээр, аварга том хадан хясаанаас унаж буй хүрхрээтэй газар, амралтын өдрүүдийг өнгөрөөх болон зуны амралтын зориулалтаар нэгэн байшин баригджээ. Энэ эайшингийн захиалагч нь Питсбургийн баян, үйлдвэрийн эзэн, урлагийг ивээгч Эдгар Кауфман, архитектор нь тэр үед 67 нас хүрээд байсан, Америк Европт нэрд гарсан Фрэнк Ллойд Райт байв.
Ямар ч шинэ байгууламж барьсан Райтын нэр хүнд хүрч болох оргилдоо хүрсэн байжээ. Тэгээд ч захиалагч ч гэр, түүнийг хүлээн бишрэгчид ч тэр түүнээс илүү шинэ зүйлийг хүлээж байсангүй. Гэтэл, гэнэт л "байгалийн үзэсгэлэнт газар баригдсан хамгийн этгээд байшин", 'Америкийн хамгийн алдартай орчин үеийн байшин", 'сүүлийн 100 жил дэх Америкийн хамгийн сайн байшин" гэх зэргээр, хэвлэл мэдээлэл бөмбөгдөж эхэлсэн, одоо ч бичсээр байна.
Техникийн ололтыг байгалтай нь түүн шиг гоёмсгоор хослуулсан шийдэл өнөө хир гараагүй л байна.
Байшинг хотоос зайдуу барих нь аль дээр үеэс америкийн амьдралд хэвшиж эхэлсэн бол европын хувьд XVIII зуунаас эхэлжээ. Харин америкийн хувьд газар нутгийн өргөн уудам байдал, байгалийн ер бусын бүтцээс хамааран арай өөр хандлагатай болжээ. Аль XIX зуунд олон америк хүн уул хад, гол, мөрөн, хүрхрээ болон янз бүрийн газраар зугаалах дуртай байв.
Энэ үеэс швейцар англи байшинтай төстэй байшингууд байгалийн үзэсгэлэнт газар олноор босох болжээ. Эдгээр байшин нь өндөр дээвэртэй, том талбай бүхий ил талбай-тавцан, гол болон нуур луу чиглэсэн жимтэй, шат нь хүний явдалд их амар, ер нь аль ч өрөөнөөс гадагш харсан их сайхан харагдахаар барьдаг байв.