Барилга МН

Нийт багтаамж: 88,460 үзэгч

 

Африк тивд баригдсан хамгийн гоёмсог загвартай, архитектурын дээж болж чадсан тус цэнгэлдэхэд 3.3 тэрбум Өмнөд Африкийн рэнд буюу 440 сая ам.долларын өртөг шинэгжээ. Соккер ситиг бүрэн хэмжээнд шинэчлэн засварласан ба 2010 оны хөлбөмбөгийн дэлхийн аварга шалгаруулах тэмцээний эхний болон шигшээ тоглолт явагдах юм.

 

Африкт өргөн хэрэглэгддэг Калабаш хэмээх савны хэлбэрээс санаа авч энэхүү цэнгэлдэхийг загварыг гаргасан бөгөөд шөнийн гэрэлтүүлэг нь гайхалтай хийгдсэн байгааг та харж болно. 

Өмнөд Африкийн хөлбөмбөгийн гол төв нь хэмээн энэхүү цэнгэлдэхийг нэрлэдэг нь ч учиртай. 1980-аад оны дундуур албаны хүмүүс олон улсын хэмжээний тоглолтуудыг хүлээн авах цэнгэлдэхтэй больё хэмээн санал нэгдсэнээр тус улсын хөлбөмбөгийн холбооны сангаас санхүүжилтийг нь гарган бүтээн босгосон байна. Олон нийтийг хамарсан анхны цуглаан 1990 онд Нелсон Манделаг суллагдсаны дараа Соккер ситид болжээ. Мөн 1996 оны Африкийн цомын тэмцээн явагдаж, Өмнөд Африкийн шигшээ баг Тунисын багийг 2-0-р хожин аварга болж байсан байна. 

FNB Stadium хэмээн нэрлэгдэж анх баригдаж байсан цэнгэлдэх нь 80,000 үзэгчийн багтаамжтай байв. Шинээр өргөтгөсөн өргөтгөлд үзэгч суух дээд хэсгийг нэмэгдүүлэн багтаамжийг 94700-д хүргэсэн, үүний тулд энэ хэсэгт байх суудалын тоог 99-р нэмж 184 болгосон, дугуй дээвэр хийсэн, хувцас солих өрөөнд шинээр төхөөрөмж суулгасан, шинэ проектор суулгасан зэрэг ажлууд багтаж байгаа аж.