Зурвас бичих
Messenger
Залгах
- Barilga
- 2019-11-05
Хөлбөмбөгийн ДАШТ 2010-ийн цэнгэлдэхүүд: Грийн пойнт
Тун удахгүй буюу 2010 оны 06 сарын 12-нд цах хүрээгээрээ хүн төрөлхтний их наадам, олимпийн наадмын адилтгаж болохуйц хөлбөмбөгийн дэлхийн аварга шалгаруулах тэмцээн Өмнөд Африкийн Бүгд Найрамдах Улсад эхлэх гэж байна. Тус тэмцээн нь энэхүү улсын 10 хотын 10 цэнгэлдэхэд явагдах бөгөөд эдгээрийг барихдаа архитектур, барилгын хийцийн шинэ шинэ ололтуудыг ашиглан бүтээн босгосон, шинэчлэн засварласан байгаа юм. Бид өнөөдрөөс эхлэн тус цэнгэлдэх хүрээлэнгүүдийг танилцуулахаар боллоо. Хамгийн эхнийх нь GREEN POINT STADIUM.
Нэр: Green Point /Ногоон цэг/
Байршил: ӨАБНУ, Кэйптаун хот
Нас: Шинэ баригдсан
Дууссан: 2009 он
Нийт багтаамж: 66,005 үзэгч
Тэмцээн болох хот, цэнгэлдэхүүд
Шинээр баригдсан Грийн Пойнт цэнгэлдэх/Green Point Stadium/ нь Өмнөд Африкийн Бүгд Найрамдах Улс/ӨАБНУ/-ын хамгийн чамин хийцтэй цэнгэлдэхүүдийн нэг бөгөөд тус улсын баруун өмнөд эргийн томоохон боомт Кэйптаун хотод баригдсан ба хагас шигшээгийн 2 тоглолтын нэг нь энд явагдах юм.
Уг цэнгэлдэхийг олон төрлийн зорилго чиглэлээр ашиглаж болох бөгөөд олон нийтийг хамарсан томоохон үйл ажиллагаа, концерт зэргийг зохион байгуулахад ашиглаж болно. Яг далайн эрэг дээр, урьд нь гольфийн талбай болон ашиглагдаж байсан газар дээр байгуулагдсан, дотоод талыг нь дуу чимээ багасгах бүрхүүлээр хучжээ. Ингээд 2009 оны 12 сард ашиглалтанд орсон байна.
2007 оны 7 сар. Нэг зэрэг 21 кран хэрэглэгдэж байв
2007 оны 6 сар. Барилгын ажлын эхлэл
2008 оны 5 сар. Барилгын ажил явагдаж байна.
2009 оны 2 сар. Барилгын ажил үргэлжилсээр
2009 оны 5 сар. Дотоод байдал
2009 оны 5 сар. Цэнгэлдэх шувуу нисэх өндрөөс
2009 оны 5 сар. Нар жаргаж байна
Цэнгэлдэх хийгээд Кэйптаун хот
2009 оны 6 сар. Цэнгэлдэхийн барилгын ажил дуусах дөхөж байна
Барилга дууссан байдал
Дэлхийн аварга шалгаруулах тэмцээн дууссаны дараа тус цэнгэлдэхэд Кэйптаун хотын хөлбөмбөгийн Ajax Cape Town болон Santos багууд тоглолтоо явуулж байхаар болсон байна.
Барилга.МН
Э.Алтангэрэл