Нийслэл барилга барих зөвшөөрөл өгсөн л бол үр дүнд нь хяналт тавьдаг байх ёстой. Шинээр баригдсан барилгуудын дотор тал гоё, харин гадаа нь муухай. Ямар ч орчны тохижилт байхгүй. Өөрөөр хэлбэл битүү хашааны цаана барилга бариад байдаг, харин дуусаад хашаагаа авчихаар хачин муухай орчин үлдээгээд яваад өгдөг байдал хаа сайгүй байгаа.

Иймд барилгын ажлыг хашааны цаана биш, олны нүдэн дээр ил байлгахыг хотын мээр үүрэг болголоо. Мөн хөрөнгө оруулалтаар хийсэн, хийж буй ажлууддыг 14 хоногт нэг удаа газар дээр нь очиж үзэж, үр дүнг нь тооцож ажиллахыг дүүргүүдийн Засаг дарга нар болон холбогдох хүмүүст даалгасан байна гэж Нийслэлийн Хэвлэл мэдээллийн албанаас мэдээллээ.

Өдрийн сонин