ӨАБНУ-ын Дурбан хотод 3.4 тэрбум рэнд буюу 450 сая ам.долларын өртөгөөр баригдсан Мосес Мабхидагийн цэнгэлдэхэд 2010 хөлбөмбөгийн ДАШТ-ын хагас шигшээ тоглолтын нэг нь явагдах юм. Хөлбөмбөгийн талбайг нь тус улсын далбааны загвараас сэдэвлэн хийсэн бөгөөд дээгүүр нь дамнасан нум нь тус улсын ард түмний эв нэгдлийг билэгдэж байгаа аж.

Арьс өнгөөр ялгаварлах үзэл ноёлж байсан үед ард түмнийхээ эрх ашгийн төлөө тэмцэж байсан ажилчин ангийн удирдагч Мосес Мабхидагийн нэрээр нэрлэгдсэн 70,000 хүний суудалтай энэхүү цэнгэлдэхийг олон төрлийн үйл ажиллагаа явуулж байхаар бүтээн байгуулсан нумаар нь дамжин дээр нь нь  гарч 106 м өндрөөс хотыг ажиглах боломжийг бүрдүүлж өгч байна. Дээвэр нь энэхүү нумтай 95 мм-ийн голч бүхий ган утсаар холбогджээ.

Энэ цэнгэлдэхэд үзэгчид хөлбөмбөг үзэнгээ ресторан, дэлгүүрээр үйлчлүүлэнгээ хүүхэд тоглуулах талбайтай бөгөөд хажууханд нь далайн эрэг байгаа учраас тийш хүрэх замыг ч гэсэн засаж өгсөн байгаа гэнэ.

Тоглолт болох хот, цэнгэлдэхүүд