Улаанбаатар хотын хүн амын 58 хувь нь гэр хороололд оршин суудгийн  ихэнх нь гэрт амьдардаг гэсэн судалгаа  байна.  Энэхүү төсөл хөтөлбөр  2009 оны 9-р сараас  2011 оны 11-р сар хүртэл 2 жилийн хугацаанд хэрэгжих юм. Төслийн зорилго нь сонгогдсон таван талбар газрын 50000 орчим оршин суугчдын амьдрах нөхцлийг иргэдийн оролцоотой сайжруулна.  Энэ тухай төслийн тайланг НҮБ-ын хот байгуулалт, орон сууцны асуудал  хариуцсан агентлаг болох ХАБИТАТ-ын мэргэжилтнүүд танилцууллаа. Тусалж дэмжээд өгвөл амьдарч буй нөхцлөө сайжруулах хамгийн гол хүч нь иргэд  өөрсдөө мөн гэсэн иргэдийн итгэл дээр суурилсан зарчмаар энэхүү төсөл хэрэгжих билээ.

 

Нийслэлийн Засаг даргын Нэгдүгээр орлогч дарга Б.Баатарзориг хэлэхдээ, нийслэлд тулгамдаж байгаа гол асуудал бол гэр хорооллын асуудал билээ. НҮБ-ын хот байгуулалт, орон сууцны асуудлыг хариуцсан агентлаг болох ХАБИТАТ-аас хийж хэрэгжүүлж байгаа төсөл хөтөлбөрүүд судалгаанд тулгуурлагдсан байдаг. Тиймээс Нийслэл хотын зүгээс шалтгаалах дэмжлэг туслалцаа үзүүлж, хамтарч ажиллана гэдгээ хэллээ.