Дэлхийн аваргын цэнгэлдэхүүд: Ellis Park
Barilga
Эллис парк цэнгэлдэх нь Иоханнесбург хотын зүүн өмнөд хэсэгт оршдог бөгөөд анх 57,000 үзэгч багтаах хүчин чадалтай, 4 сая орчим ам.долларын өртгөөр боссон ба улмаар өргөтгөн 62,000 үзэгч багтаах хэмжээнд болгон өргөтгөн шинэчилжээ. Мөн Кока Кола компанийн нэрлэх эрхийн гэрээг 30 сая паундаар хийж "Кока Кола парк" гэж нэрлэгддэг байна.
Анх 1928 онд регбигийн тэмцээн явуулж байхаар барьсан ч 1982 онд буулган шинэтгэн барьсан байна. Энэхүү цэнгэлдэхийг газар олгосон Иоханнесбург хотын дарга Ж.Д.Эллисын нэрэмжит болгосон байна.
Цэнгэлдэхийн барилгыг өргөтгөх ажил хойд хагаст нь хийгдсэн бөгөөд үзэгчид суух шинэ үеийг нэмж өгснөөр багтаамжийг 62,000 болтол нэмэгдүүлж өгсөн байна. Орчин үеийн дуу дүрсний тоног төхөөрөмж, усан сан, дээд зэрэглэлийн суудал, хөгжлийн бэрхшээлтэй үзэгчдэд зориулсан суудал бүхий юм.
Эллис парк нь Өмнөд Африкийн лигийн Орландо Пиратес багийн гол цэнгэлдэх юм.
Барилгатай холбоотой тоо баримтуудыг дурдвал:
- 30,000 м2 талбай эзлэх хэмжээний бетон бүтээцийг цутгахад орсон байна.
- 4500 тонн арматур төмөрыг 48000 м2 талбайг цутгахад ашиглажээ
- Бараг 500,000 шуудай цементээр 3.2 сая хүн/цагийн ажил зарцуулсны үр дүнд ажлыг хийж дуусгажээ
- Цэнгэлдэхийг барихад 3.1 сая тоосго, 1372 ширхэг янз бүрийн хэмжээтэй цонх, 4.1 км урт хашлага, 70 км хоолой ашиглагдсан байна.
- 50 ширхэг 200 ваттын, 30 ширхэг 30 ваттын болон 245 ширхэг чанга яригчуудыг цэнгэлдэхийг тойруулан суурилуулсан байдаг аж.