Японы Ниагата мужийн Нийтийн аж ахуй, хот бай­гуу­лалтын га­зар Улаанбаа­тар хотод бороо­ны ус зайлуулах чиглэлээр техникийн төсөл хэрэгжүүлэх гэж байна.

Ингэхдээ борооны ус зай­луулах байгууламжийг барих технологио манай мэр­гэ­жилт­нүүдэд сургахаар төлөв­лөжээ. Гурван жилийн хуга­цаатай хэрэгжих төслийн ажлын шу­гамаар Ниагата мужийн Ний­тийн аж ахуйн газрын хот бай­гуулалтын хэлтсийн дарга Абэ Коже тэргүүтэй алба­ны­хан Нийслэлийн орлогч дарга Б.Баатарзоригтой уулз­лаа. Одоогоор төсөл хэрэг­жүү­лэг­чид гэр хорооллыг сонгоод байгаа аж. Манай улсад дөрөв хоног байхдаа нийслэлийн гэр хорооллоор явж судалгаа хий­хээ танилцуулсан байна.

Нийслэлийн Засаг даргын нэгдүгээр орлогч Б.Баатар­зориг япончуудад Улаанбаатар хотын үүсэл хөгжил, хүн амын талаар товч мэдээлээд, хэрэгжүүлэх гэж байгаа төсөлд нь амжилт хүсээд, «Борооны ус зайлуулах шугам бол нийслэл хотын хувьд хамгийн тулгамдсан асуу­дал юм. Манай улс Үндсэн хуулиндаа хүн амын шилжилт хөдөлгөөнийг чөлөөтэй гэж заасан учраас хөдөө, орон нут­гаас нийслэл рүүгээ шилжин ирэх нь буурахгүй байгаа. Тэд­гээр иргэд газар олдохгүйн ул­маас үерийн аман дээр бууж, ингэснээрээ үер усны аюулд хамгийн түрүүнд өртдөг тул та бүхний санал тавьж буй төсөл тун ач холбогдолтой» хэмээн онцолжээ.
Ниагата мужийн Нийтийн аж ахуйн газрын хот байгуу­лалтын хэлтсийн дарга Абэ Коже Улаанбаатар хотын ус зайлуулах байгууламжийг хэр­хэн яаж сайжруулах вэ гэдэг нь бидний зорилго гээд, энэ төслөө Японы олон ул­сын хам­тын ажиллагааны Жай­ка байгуулагатай хамтран хэрэг­жүүлэхээ дуулгасан байна.