Зурвас бичих
Messenger
Залгах
- Barilga
- 2019-11-05
Барилга Орон Сууц Үзэсгэлэн
ЗТБХБЯам, ГХБГЗЗГ, МБХ, МҮХАҮТ-ын Барилгын зөвлөл, “Барилга.МН” Барилгын Зөвлөгөө Мэдээллийн Төв хамтран уламжлалт “БАРИЛГА ОРОН СУУЦ 2010” барилгын үзэсгэлэн яармагийг 2010 оны 09 сарын 03-наас 06-ний өдрүүдэд Мишээл Экспо төвд зохион байгуулах гэж байна.
Монголын барилгын салбарын шилдэг ААН, байгууллагуудыг оролцуулах “БАРИЛГА ОРОН СУУЦ 2010” Олон улсын барилгын үзэсгэлэн яармагаар шинэ техник технологи, барилгын материал, шинэ орон сууцны талаарх мэдээллийг олон нийтэд хүргэнэ.
Жил бүр уламжлал болгон зохион байгуулдаг уг үзэсгэлэнгээс хэрэглэгчид барилгын салбарын бүх төрлийн мэдээллийг төвлөрсөн цэгээс авах боломж олгодгоороо онцлогтой билээ.
Тэр ч утгаараа бид монголын барилгын салбарын шилдгүүдийг нэг дор цогцлоож тэдний үйл ажиллагаа, бараа бүтээгдэхүүн, үйлчилгээг олон нийтдээ дэлгэн хүргэх болно.
Энэ удаагийн ээлжит үзэсгэлэн яармаг нь МонголУлсад барилгын салбар үүсч хөгжсөний 84 жилийн ойн баярт зориулан зохиогдож байгаагаараа нилээд онцлогтой болох юм.
Иймд барилгын салбарт үйл ажиллагаа явуулж байгаа ААН, байгууллагуудыг “БАРИЛГА ОРОН СУУЦ 2010” барилгын олон улсын үзэсгэлэн яармагт оролцохыг урьж байна.
Мөн түүнчлэн хэрэглэгч та байр, амины орон сууцны тухай мэдээлэл, бараа материал хайж, засвар үйлчилгээ хийлгэхээр зэхэж байгаа бол уг үзэсгэлэнгээр зочлоорой. Бид та бүхнийхээ цаг завыг харгалзан үзэж амралтын өдрүүдэдээр зохион байгуулж байна.
Үзэгслэнгийн ерөнхий ивээн тэтгэгчээр Баянмонгол хороолол, мэдээллийн ивээн тэтгэгчээр SBN телевиз, B телевиз, SCH телевиз ажиллаж байна.
Дэлгэрэнгүй мэдээллийг 70113333, 88084707 утсаар лавлаарай.